Gerîngeha Rojava ya encûmenên xwecihî yên bi ser ENKSê ve, civîna xwe ya asayî di roja Duşemê 6/10/2025an de,li bajarê Qamişlo li darxistin .
Herwiha bi amadebûna Serokê ofîsa Karûbarên Encumenên xwecihî birêz Neşet Zaza û endamên Nivîsgeha Karûbarên Encûmenên Xwecihî, û amadebûna serokên encûmenên xwecihî.
Di destpêkê de bixêrhatina amadebûyan hate kirin û ji bo giyanê pakê şehîdên Kurdistanê bi serdestiya nemir (Mele Mistefa Barzanî) deqîqeyek rêz hate girtin.
Paşê raporên ku ji encûmenên xwecihî hatin wergirtin ji aliyê serokên encûmenên xwecihî ve hatin xwendin û gotûbêj kirin.
Rewşa rêxistinî ya Encûmenên xwecihî yên li gerîngeha rojava hate nirxandin, ku li ser mekanîzmaya xebata her Encûmenekê hate nirxandin, performansa di dema borî de hate nirxandin, her wiha behsa astengiyên û rêbazên pêşvebirina xebata saziyan hate kirin.
Mamoste Neşet Zaza bal kişand ser kordînasyona di navbera encûmenên xwecihî de, û tekez li ser pêwîstiya pêşxistina xebata komî û xurtkirina kordînasyona di navbera encûmenên xwecihî de kir. Ji bo pêşxistina rola Encûmenê di navbera aliyên peywendîdar de li Sûriyê bi giştî.
Di rewşa siyasî de,Nûçeyên dawî yên siyasî li ser qada Sûrî û Kurdî hatin gotûbêjkirin , di bin çavkaniya pêşketinên lezgîn de ku herêm ji ber hilweşîna rejîma Bahsî dibîne .
• Pêwîstiya pêkanîna encamên konferansa 26ê Nîsanê, wekî nexşeya rê ji bo xebata siyasî ya hevbeş ya Kurdan di qonaxa pêş de, hat tekez kirin.
Mamoste, Mehmûd Hacî Elî da zanîn ku ev civîn di çarçoveya hewldanên berdewam ên Encûmena Niştimanî ya Kurd de ye ku rola meclisên herêmî xurt bike û beşdarbûna wan a siyasî û rêxistinî di xizmeta doza Kurd de aktîf bike.
Beşdaran destnîşan kir ku pêwîstiya xurtkirina têkiliyên di navbera Encûmena Niştimanî ya Kurd û Hikûmeta Demkî ya Sûrî de heye, ji bo xizmeta doza Kurd û kordînasyonê di asta cuda de.
Di dawiya civînê de, beşdaran îlankirina “Roja Dayikê” ya 21ê Adarê ji hêla serokê niha yê Sûrî, Ehmed Şerih ve, li şûna roja Newrozê ya Kurdan şermezar kirin. Ev daxuyaniyê wek hewldanek hat nirxandin ku nîşanên çandî yên Kurdan biçûk bike û siyaseta qirkirinê xurt bike.
Ragihandina ENKSê
Raport:Elî Fetah
