DIRBÊSIYÊ:YEKÎTIYA XWENDEVAN Û CIWANÊN DEMOQRATÎ KURDISTANÎ -ROJAVA MAMOSTE Û XWEDEKARÊN SERKEFTÎ XELAT KIRIN.

Di roja Duşemê,22.9.2025an de,Şaxê Amûdê û Dirbêsiyê yên Yekîtiya Xwendevan û Ciwanan li ser asta bajarê Dirbêsiyê di nava atmosfereke cejnê de li bajarê Dirbêsiyê mamoste û xwendekarên serkeftî yên bawernameyên xwendina navîn û amadeyî li bajarê Dirbêsiyê parka// Baran // li derûdora bajêr xelat kirin.

Ahing bixêrhatina hemû beşdaran ji aliyê mamoste Ela Şêxmûs ve,dest pêk kir û piştre kêlîkek bêdeng li ser giyanên pakrewanên Kurd û kurdistanî û bi taybet li ser giyanê Barzaniyê nemir bi sirûda Ey Reqîb rawestiyan.

Her wiha gotina xwecihiya Dirbêsiyê ya bi ser ENKSê ve,ji aliyê birêz Mihemed Nasir ve,serokê xwecihiyê hat pêşkêş kirin.Û tê de spasiya komîta amadekar û mamosteyên beşdar kir her wiha pîrozbahiya hemû xwedekarên serkeftî kir û spasiya malbatên wan kir.

Her wiha gotina Yekîtiya Xwendevan û Ciwanan ji aliyê mamoste Hemîd Xelîl ve hat xwendin û tê de tekezî li ser piştevaniya yekîtiya xwendekaran kir. û zarokan teşwîq kirin ji bo hînbûn û jêhatîbûnê û hewildanên mamosteyan ligel xwendekaran jî ji bo piştgirîkirina pirosesa xwendinê û hewlên dê û bavan ji bo piştevanîkirina zarokên xwe û dabînkirina jîngeheke guncaw ji wan re bilind nirxand.

Her wiha mamoste Mihemed Hisên axaftinek di derbarê nirxandina xwendinê û zanistî û netewî de pêşkêş kir.

Her wiha bawernameya rêzgirtinê û diyarî dest pê kir û dest bi rêzgirtina mamosteyan kir ku beşeke mezin ji şarezayên xwendekaran bi dest xistin.

Paşê ew xwendekarên serkeftî di bawernameya amadeyî ya giştî de di şaxê xwe yê zanistî û wêjeyî de, xelat kirin

Di dawiyê de şagirtên serketî yên di bawernameya navîn de xelat kirin.

Di dawiyê de, piştî bidawîhatina rêzgirtinê, spas ji bo hemû mêhvanan hat pêşkêşkirin,hêviya serkeftinê ji bo wan hemûyan di warê pîşeyî û kesayetî de û bidest xistina pileya herî bilind ji bo wan xwest.