NETEWEYÊN YEKBÛYÎ: NÊZÎKÎ 16.5 MILYON KES LI SÛRÎ HEWCEYÊ ALÎKARIYA MIROVAHÎ NE.
Nêzîkî 16.5 mîlyon kes li Sûriyê hewceyê alîkariya mirovahî ne
Kordînatorê Neteweyên Yekbûyî û Kordînatorê Karûbarên Mirovî li Sûrî eşkere kir ku nêzîkî 16.5 mîlyon kes li hundirê welêt hene ku pêdivî bi alîkariya mirovahî ya lezgîn hene, û da zanîn ku 2.5 mîlyon kesên ku ji hundir hatine koçber kirin an penaberên ji derveyî welêt hatine vegerandin hene, ku gelek ji wan malên wan hatine rûxandin.
Kordînatorê Neteweyên Yekbûyî û Kordînatorê Karûbarên Mirovahî li Sûriyê, Adem Abdulmewla, di civîna rojnamevanî de îro Sêşemê, 9ê Îlona 2025, berî bidawîbûna erka xwe ya ji bo nirxandina kar û xebatên Neteweyên Yekbûyî, berbijarî û planên pêşerojê, got ku Sûriye hê jî bi krîza koçberbûnê re rû bi rû ye, ku bêtirî 6 milyon kes wek koçberên navxweyî dijîn, dema ku bêtirî 6 milyon kesên din wek penaber li seranserê cîhanê belav bûne.
Karbidestê Neteweyên Yekbûyî got ku nêzîkî 24 ji sedê malên li Sûrî di salên borî de hatine zirar an jî wêran kirin û da zanîn ku diravên ku Neteweyên Yekbûyî jibo çareserkirina vê dosyayê werdigire “pir kêm in”.
Ebdulmewla destnîşan kir ku plana bersivdayîna mirovî ya 2025’an heta niha tenê ji sedî 14 ji 3.2 milyar dolarên ku ji bo pêkanîna wê pêwîst e, wergirtiye.
Di dawiya axaftina xwe de, Ebdulmewla destpêkirina karê xwe li Sûriyê di sala 2012an de bi bîr anî, û diyar kir ku wî biryar da ku hemû çalakiyên pêşveçûnê rawestîne, “ji bo ku rêjîma rûxandî sûdê neke û ji bo ku ji aliyê siyasî ve neyê bikaranîn”.
Ragihandina ENKSê
Raport: Elî Fetah
