Roja çarşemê (5)ê,pûşperê, wek roja yekem a cejnê li seranserî Sûriyê hat ragihandin , û di vê derbarê de xelkên bajarê Qamişlo yê Kurdistana Sûriyê bi kêfxweşî û şahî û bi pîrozbahî pêşwaziya cejnê dikin.
Herwiha we ku hersal di roja cejnê de serê sibê hemwelatiyan berê xwe didin mizgeftan ku nimêja cejnê bikin, û piştre seradana goristanê dikin û Fatîhê li ser gorê wan dixwînin.
Di heman demê de zarok jî li kolanan digerin û diçin mal bi mal û bang dikin ( sibe we bi xêr cejna we pîroz be ), û cejn bi coş û geş dibe bi kêfxweşiya zarokan.
Û di vê roja pîroz de hemwelatiyên bajarê Qamişlo pîrozbahiya miletê misilman kirin bi hatine cejna Remezanê û kêfxweşiya xwe jî diyar kirin, lê ji rexekî dî ve xemgîniya xwe jî di vê rojê de anîn ziman, ku ji destpêka kirîza sûriyê, her kes dizane ku ji ber ceng û aloziyên abûrî gelek xelk koçber bûn, li gelek deverên cîhanê belav bûne , û ya herî kêm ji her malekê yek li derveyî welêt e, û êdî ew tenê dikarin bi riya înternetê peywendî li gel hev bikin û cejna hev pîroz bikin, û hêviya wan ew e ku cejnên were her kes li welatê xwe vegera û cejna xwe di nav malbat, heval û dostên xwe derbas bikin.
Raport :Hêvî Delî
Ragihandina ENKS ê… Qamişlo
