YEKÎTÎ KURDISTANÎ -SÛRIYA SALVEGERA 9EMÎN YA KOÇA DAWÎ YA ISMA’ÎL HEMÊ VEJANDIN.

Partiya Yekîtî Kurdistanî – Sûriya di roja Duşemê18-8-2025an de, li gundê Til dîkê yê bi ser bajarê Dirbêsiyê ve salvegera 9emîn ya koça dawî ya skretêrê berê yê partiya Yekîtî û serokê berê yê ENKSê nemir Isma’îl Hemê vejandin.

Her wiha bi beşdarbûna cemawerekî mezin û nûnerên civaka sivîl û şandên encûmenên xwecihî yên bi ser ENKSê ve bajarê Dirbêsiyê,Til Temir û Ebû Rasên.
Herwiha vejandinê bi kêlîkek bêdeng li ser giyanê pakrewanên Kurdistanê û di pêşî de,yê Barzaniyê nemir û li ser canê Isma’îl Hemê bi Sirûda Ey Reqîb destpêkir û tê de, bi xêr hatin bi hemû beşdaran hate kirin.

Her wiha gotina rêxistina partiya Yekîtî Kurdistanî ji aliyê mamosta Nas Hemê ve,hate xwendin.

Her wiha gotina Encûmenên Xwecihî yên beşdar ji aliyê mamoste Azad Haco ve hat xwendin.

Herwiha M.Mihemed Mahsûm endamê nivîsgeha siyasî yê Partiya Yekîtî Kurdistanî – Sûriya gotina partiyê pêşkêşkir û têde li ser kar û xebata nemir Isma’îl Hemê axivî.

Mahsûm, di gotina xwe de li ser qonaxên balkêş di tekoşeriya Hemê de axivî û û di dawî de,wefedarî da xuyakirin li ser berdewamiya rêbaza kar û xebata kurdiyetê ya têkoşer Isma’l Hemê û sipasiya hemû beşdaran kir.

Herwiha gotina malbata têkoşer ji aliyê M.Dêrsim Hemê ve,hat xwendin û Hemê di gotina xwe de,spasiya hemû beşdaran kir li ser hazirbûna wan ji bo vejandina salvegera 9emîn ya koça dawî ya têkoşer Isma’îl Hemê û sersaxî ji hemû dost û hevalên têkoşer Isma’îl Hemê re xwest.

Herwiha helbestek jî ji aliyê M.Nîzamedîn Elîko ve,hate pêşkêş kirin.

Di dawî de,M.Silêman Oso sekretêrê Partiyê spasiya hemû beşdaran kir li ser vejandina salvegera gemîn ya koça dawî ya têkoşer Isma’l Hemê.Her wiha behsa nûçeyên siyasî yên li ser herdu qadên Sûriye û Kurdî kir.

Di vejandinê de, hemû beşdaran berê xwe dan gora nemir Isma’îl Hemê û ew bi gurzên gula ew gor xemilandin,û wênê Elfatîha li ser giyanê wî xwendin.