NAVEROKA CIVÎNA GRÎNENDEYA ROJAVA Û ROJHILAT YA ENCÛMENÊN XWECIHÎ YÊN BI SER ENKSÊ VE.
Gerîngeha Rojava û Rojhilat ya encûmenên xwecihî yên bi ser ENKSê ve, civîna xwe ya asayî di roja Şemiyê 31/5/2025an de,li bajarê Qamişlo li darxistin .
Herwiha bi amadebûna Serokê ofîsa Karûbarên Encumenên xwecihî birêz Neşet Zaza û endamên Nivîsgeha Karûbarên Encûmenên Xwecihî, û amadebûna serokên encûmenên xwecihî.
Di destpêkê de bixêrhatina amadebûyan hate kirin û ji bo giyanê pakê şehîdên Kurdistanê bi serdestiya nemir (Mele Mistefa Barzanî) deqîqeyek rêz hate girtin.
Piştre civatê mijarên rêxistinî yên girêdayî xebatên Encûmenên xwecihî yên di dema borî de nîqaş kirin û mekanîzmaya xebatê ji aliyê rêveberiyê û rêxistinî ve nirxandin.
Her wiha çalakiyên çandî yên ku ji aliyê Encûmena Niştimanî ya Kurdî ve li herêmên cuda, ji Dirk heta Kobanê, hatine lidarxistin, ku di nav de semîner û gotarên ku nûtirîn pêşketinên li ser herdu qadên Sûrî û Kurdî, hatin rawestandin.
Di mijara siyasî de, di civînê de sedemên derengxistina pêkanîna şandeya kurd, her wiha serdana şandeya rêveberiya xweser a paytexta Şamê hate nîqaşkirin.
Di vê çarçoveyê de, mamoste. Neşet Zaza piştrast kir ku şandeya Encûmena Niştimanî ya Kurd amade ye ji bo diyalogê û tu astengiyek tune ye ku rê li pêşiya wan bigire.
Serokê ofîsê piştgiriya xwe ya bi temamî ji encamên konferansa ku di 26ê Nîsanê de pêk hatî re anî ziman, û soza Encûmena Niştimanî ya Kurd kir ku ji bo yekitiya rêza Kurdan û xizmeta doza xwe ya rewa bixebite.
Ragihandina ENKSê
Raport:Elî Fetah
