Qamişlo… salvegera şehîdbûna “Ferhad Sebrî ” hate vejandin.
Îro roja sêşemê 8ê Nîsana 2025an, dehemîn salvegera Ferhad Mihemed hate li darxistin, bi serdana gora wî li goristana Mehmeqeya ya li bajarê Qamişlo.
Ev yek bi amadebûna malbata şehîd Ferhad û herwiha kesayetên siyasî û rewşenbîrî.
Yek ji wan şehîdê serhildana Qamişlo ya 2004an “Ferhad Mihemed Elî ” , ku ji dayîkbûna sala “1975” an, li Taxa “Qenat Elswês ” ya li Rojhilatî bajarê Qamişlo, xêzandara bû bavê keçkekê bû .
( Bavê Nisrîn )di ciwaniya xwe de tevlî nava refên Partiya Demoqrata kurdistan-Sûriya bû, bi dilsozî kar û xebata xwe ya niştîmanî û kurdayetî di tevgera kurdî de dikir, ku bi bîr û beweriyeke bihêz bi dibistana rêbaza Barzanî hebû.
Û piştî raperîna 12 ê Adara 2004an, ku çirûskên wê li bajarê Qamişlo destpêkir û piştre li hemû bajar û bajarokên Kurdistana Sûriyê hate belavkirin û xwepêşandan hatin li darxistin ku Kurd têde darê zilm û zordarî û tirsê şikand û banga Azadiyê kirin, û rêya têkoşîn bi hêza xwe ya netewayî û yekrêziyê hilbijartin, şehîd ” Ferhad ” yek ji wan ciwanan bû beşdarî xwepêşandanan li dijî kiryarên rêjîma Be’s dibû, lê rêjîmê bi tundî bersiva wan da êdî şer û pevçûn di navbera rêjîm û xwepêşandaran de derket têde bi sedan ciwan hatin kuştin, birîndarkirin û binçavkirin, dema ku şehîd “Ferhad” di pêkanîna rol û Arkê xwe yê neteway û kurdayetî û mirovatî dirabû di veguhastina şehîd û birîndarên 12 ê Adarê ji bo nexweşxaneyên Qamişlo, lê mixabin ji aliyê rêjîma Be’s ya Esed ve hat girtin û zindankirin ji bo helwest û mêrxasiya wî ya netewayî, her ku di zindana navendî ya li bajarê Hesekê de , ji ber ku “Ferhad ” nexwest navê hevalên xwe yên beşdar di serhildanê de eşkere bike rastî lêdan û Îşkenceyeke tund hat kirin û ev yek bo sedema ku “Ferhad Mihemed Sebrî ” Jiyana xwe ji dest bide û tevlî nava refên pakrewanên 12 Adarê bibe…
di roja “8” Nîsana 2004 an, pakrewan “Ferhad ” li goristana ” Mehmeqeya ” ya li bajarê Qamişlo bi xakê hat spartin.
Ragihandina ENKSê
Qamişlo
