CEJNA NEWROZÊ JI ALIYÊ HER DU XWECIHIYÊN HESEKÊ YA ROJAVA Û ROJHILAT VE HAT VEJANDIN.

Di roja Îniyê 21ê avdarê sala 2025an de,cejna Newrozê ya netewî ya gelê Kurd, ji aliyê her du xwecihiyên Hesekê yên bi ser ENKSê ve,li gundê Til Fendî hat vejandin.

Herwiha bi beşdarbûna hejmarek pir ji cemawerê kurd ji hemû aliyên siyasî û civakî bi taybet yên herêma bajarê Hesekê û gundewarê wê.
Herwiha bi beşdarbûna cemawerên xwecihiya Til Temir û xwecihiya Ebû Rasên jî.
Herwiha Şandek ji Partiya Yekîtiya Siryanî li Hesekê pîrozbahiya Cejna Newrozê kir.

Herwiha hemû beşdar hatin bixêrhatin û Piştre pirogiramê Cejna Newrozê di destpêkê de,kêlîkek bêdenge li ser giyanên pakrewanên Kurd û Kurdistan û di pêşî de li ser giyanê Barzaniyê nemir û bi sirûda Ey Reqîb rawestiyan.

Herwiha pirogramê newrozê ji aliyê Mamoste Hejar Miho û mamosta Ezîza ve hat pêşkêş kirin.

Herwiha peyama Newrozê ya ENKSê ji aliyê Xanim Fesla Yûsif endama desteya serokatiya ENKSê ve, hat pêşkêş kirin.

Yûsif, li ser girîngiya vê helkeftê axifî. Yûsif herwiha behsa pêşketinên siyasî yên dawî li herêmê kir û ragihand ku ragihandina yekîtiya Kurdan nêzîk e.

Piştre hunermend Masûm Şekakî hin ji stranan pêşkêş kir, beşên dîlan yên filklorî bi awazên wî hatin pêşkêşkirin.

Herwiha hin dîlanên filiklorî ji aliyê koma Mîtan ve hatin pêşkêş kirin.

Di dawiyê de,cemawerê beşdar cejn bi dîlana Kurmancî ya resen bi kêf û xweşî bidawîkirin.