HESEKÊ:10 EMÎN SALVEGERA KOMKUJIYA ŞEVA NEWROZÊ JI ALIYÊ HER DU XWECIHIYÊN HESEKÊ VE HAT VEJANDIN.

Encûmena Niştimanî ya Kurd li Sûriyê herdû xwecihiyên Hesekê îro Pêncşemê 20ê Adara 2025an de, salvegera 10emîn a komkujiya şeva Newrozê li Hesekê, li taxa Miftî vejandin.

ENKSê li cihê teqîna ku pîrozbahiyên gelê Kurd ên Newroza 2015’an armanc kiribû, ji bo wefadariya giyanên pakrewanan mûme vêxistin.

Serokê xwecihiya rojhilatê Heskê mamoste.Zibêr Mûsa axaftinek kurt kir û behsa teqîn û şehadetê kir û tekez li ser pêwîstiya rêzgirtina şehîdan kir.

Wek tê zanîn du peqînên xwekujî, pîrozbahiyên Kurdan ên bi agirê Newroza 2015an, li taxa Miftî ya bajarê Heskê kirin armanc, di encamê de zêdetirî 60 şehîd ketin, bi dehan birîndar bûn, piraniya wan zarok û jin bûn.