SALVEGERA “46YEMIN” LI SER KOÇA DAWÎ YA BAVÊ NETWA KURD MELA MISTEFA BARZANÎ JI ALIYÊ ENCÛMENA XWECIHÎ YA BAJARÊ DIRBÊSIYÊ HAT VEJANDIN..

Her Sal di 1ê avdarê de,gelê Kurd li seranserî Cîhanê bîranîna koça dawî ya bavê neteweya Kurd Mela Mistefa Barzanî vedijînin.

Bi vîneke xurt Îro di roja Şemiyê1.3.2025an de,bîranîna salvegera 46 yemin li ser koçkirina dawî ya Barzaniyê nemir hat vejandin, Ji aliyê xwecihiya bajarê Dirbêsiyê û gundewarên wê,encûmena pakrewan Ciwan Elqutna ya bi ser ENKSê ve,li ser girê gundê Xasê yê Kîkan ya bi ser bajarê Dirbêsiyê ve .

Herwiha bi beşdarbûna endamê desteya serokatiya ENKSê M.Ebdulbarî Xelef.

Herwiha bi beşdarbûna kesayetên serbixwe û nûnerên civaka sivîl û rewşenbîr, nûnerên partiyên siyasî û kesayetên civaknasî û olî , herwiha bi beşdarbûna rêxistinên jinan û ciwanan û xwendekaran jî.
Herwiha bi beşdarbûna xelkên herêma bajarê Dirbêsiyê û gundewarê wê.

Di destpêkê de,M. Nîzamedîn Elîko bi navê encûmena xwecihî ya bajarê Dirbêsiyê û gundewarên wê ya bi ser ENKSê ve, bixêrhatina mêvanên beşdar kir.

Piştre xulekek bêdeng li ser giyanên pakrewanên Kurd û Kurdistan û bi taybet li ser giyanê Barzaniyê nemir bi sirûda Ey Reqîb rawestiyan .

Herwiha pirogiramê helkeftê ji aliyê mamoste Nîzamedîn Elîko
ve hat pêşkêş kirin.

Piştre hin axaftin hatin xwendin di derbarê vê bîranînê de.

gotina ENKSê ji aliyê mamoste Ebdulbarî Xelef ve, hat pêşkêşkirin.

gotina ENKSê di derbarê kurtejiyana Bavê neteweya kurd de, Barzaniyê namir û di derbarê kar û xebata Barzaniyê nemir xwediyê piroja neteweyî ya Kurdî.

Û di dawiya gotina xwe de,spasiya hemû beşdaran kir û tekezî li ser berdewamiya kar û xebata ENKSê kir.

Herwiha gotina PDKSê ji aliyê mamoste Ahmed Ûso hat xwendin.

Û gotina wî di derbarê nirxandina kar û xebata bavê neteweya kurdî Barzaniyê nemir de bû.

Gotina Xwecihiya Dirbêsiyê ya bi ser ENKSê ve ,ji aliyê serokê xwecihiyê ,M.Idrîs Şêx Xelef ve,hat pêşkêşkirin.
Û gotina wî di derbarê nirxandina kar û xebata bavê neteweya kurdî Barzaniyê nemir de bû.

Herwiha di dawî de, bi navê xwecihiyê spasiya hemû mêvanên beşdar û birêzan,Xalib Şêxo û zariyên Hesen Dirbas kir yên ku şêranî ji aliyê wan ve hat belavkirin ji bo hemû mêvananên beşdar .