NAVEROKA CIVÎNA XWECIHIYA TIL TEMIR YA BI SER ENKSÊ VE..
Xwecihiya Til Temir ya bi ser ENKSê ve,bi amadebûn û çavdêrîya serokê ofîsa karûbarên encûmenên xwecihî yên bi ser Encûmena Niştimanî ya Kurdî ve M. Neşet Zaza û her du endamên ofîsê M. Ferhad Seîd û Zêbar Mûsa.Û
bi amadebûna piraniya endamên xwecihiyê,li bajarê Til Temir civîna xwe ya asayî di roja Sêşemê 25/2/2025an de lidarxistin.
Di destpêkê de,serokê xwecihiyê bixêrhatina mêvanan kir û piştre kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan.Û piştre lîsta kar gengeşe kirin.
Piştre di civînê de giringtirîn xalên rojeva kar di rewşa rêxistinî û siyasî de hatin gotûbêjkirin
Rewşa rêxistinî: Rapora ku ji Ofîsa Karûbarên Encumena Xwecihî ya Encûmena Niştimanî ya Kurd li Sûriyê wergirtibû hat xwendin
û naveroka wê jî, hate nîqaşkirin.
Û mijarên raportê ji aliyê M.Neşet Zaza ve,hat şirovekirin.Di nav de,tekezî ji bo lidarxistina çalakiyên meha Avdarê û pêwîstiya xebatê ji bo amadekariyên guncaw dan zanîn û ji endamên xwecihiyê xwestin ku hewl û xebatê bikin di kolana gelê Kurd de,bikin da ku bingeha encûmenê berfireh bikin û bi taybetî di vê qonaxa dîrokî de ku em têde derbas dibin.
Di warê siyasî de: Mamoste,Neşet Zaza li ser rewşa siyasî ya heyî bi dirêjî û bi berfirehî axivî û çend xalên bingehîn diyar kirin, pêşî li ser qada Kurd û ji wan diyaloga Kurd-Kurdî, û piştre li ser rewşa Kurd û hikûmeta nû ya Sûrî axivî.
Ji wan ne vexwendina Kurdan bo Konferansa Diyaloga Neteweyî û dûrxistina Kurdan ji wê, ku bandoreke neyînî li ser tevaya bûyer û pêşketinan kir.Wî behsa rola dewletên herêmî û mezin û bandora destwerdana derve li ser rewşa Sûrîyê kir.
Ragihandina ENKSê
Raport:Elî Fetah
