Zêdetirî 20 hezar penaberên Sûriyê ji Urdinê vegeriyane piştî ketina rêjîmê.
Li gorî Rewangeha Sûrî bo mafê mirovan ku komîsyona bilind a Neteweyên yekbûyî ragihandiye ku piştî rûxandina rêjîma Esed di 8 ê Çileya Pêşîn de, zêdetirî 20 hezara koçberên Sûrî ji Urdinê vegeriyan ser axa Xwe li Sûriyê ku ji ber şer berê xwe dabûn Urdinê.
Herwiha ku ji ber şer û kuştin , girtinê ji aliyê rêjîma hilweşayî ya Esed ve , bi hezaran malbat ji Sûriyê reviyabûn dewletên cîran weku Libnan، Iraq, Urdina, û herwiha beşekî mezin berê xwa dane welatên Ewropê, lê piştî ketina Esed beşek ji wan vegeriyan Sûriyayê.
Hêjaya were gotin ku roja yekşemê 8 ê çileya pêşîn destpêka dîrokeke nû ji bo hemû gelê Sûryayê bi ketina “Beşar Esed”, ku bi nûçeya ketina desthilata rêjîma Esed şahî li hemû navçe û herêmên Parêzgehên Sûriyayê hatin li darxistin.
Tê zanîn ku di 27ê çileya pêşin şer û pevçûn di navbera hêzên rêjîma Sûriyê û Komên girêdayî Heyeta Tehrîr El Şamê (HTŞ) destpêkir û êrişî Îdlib û Helebê hate kirin.
Û Heyet Tehrîr Elşam di 28ê Çileya Paşîn navenda Helebê bidestxistin.
Piştî kontrolkirina Humsê Heyet Tehrîr Elşam kontrolkirina Şama paytexta Sûriyeyê ragihand .
Û roja 8 ê Çieya Pêşin 2024an, desthilata Beşar Elesed ket , û bû rojeke nû dîrokeke nû ji bo hemû Sûriyan.
Ragihandina ENKSê
Qamişlo
