Erdheja 6 ê Sibatê hate bi bîranîn.
Îro roja pêncşemê 6 ê sibata 2025an, Berevaniya Sivîl A Sûriyê duyemîn salvegera erdheja 6 ê li darxist.
Tê zanîn Ku di 6ê Sibata 2023an de, erdhejeka bi hêza 7.7 pileyê Rîxterê li Bakurê Kurdistanê çêbû û bandoreke mezin li Rojavayê kurdistanê û Sûriyayê kir …
Herêm û bajarên Sûriyê û Rojavayê kurdistanê ku ji ber erdhejê bandor li wan hate kirin mîna : Efrîn, Kobanê, Serê Kaniyê , Cindêrsê, Heleb, Lazqiyê, Hema, Tertûs û Îdlibê ,ku gelek avahî hilweşiyan û wêran bûn û bi hezaran xanî zirar dîtin û bi sedan kes bûna qurbaniyên erdhejê û herwiha navçeya Cindirêsê ya bi ser Efrîna Kurdistana Sûriyê ve navçeya ku herî zêde zirara erdhejê gihiştiyê de.
Û herwiha di vê derbarê de hejmara malbatên tûşbûyî gihiştbû 334 hezar û 821 malbatan ku hejmara wan bi giştî 1 milyon û 843 hezar û 911 kes e li navçeyên bakurê rojavayê Sûriyê ji ber erdheja wêranker a ku di 6ê Sibata 2023an de li Sûriyê û Tirkiyê qewimî, ziyan dîtin.
Û ku erdheja sala 2023 an, bû sedema koçberkirina 48 hezar û 122 malbatan bi giştî 311 hezar û 662 kes, ku ji wan zarok, jin û rewşên taybet %67ê hejmara wan pêk tînin û zêdetirî 51 hezar û 931 kes ji xelkê bandor bûn, ji ber ziyanên malên xwe di nava navendên penageh û kampan de bicîh bûn.
Û îro 6 ê sibata 2025an, Du sal li ser erdheja sibata 2023an de derbas dibe, û her sal salvegera erdhejê tê bi bîr anî.
Ragihandina ENKSê
Qamişlo
