PYDKÊ YA BI SER ENKSÊ VE SERDANA GORA TÊKOŞER Û XEBATKARÊ MEZIN ISMA’ÎL UMER KIR ….

PYDKÊ YA BI SER ENKSÊ VE SERDANA GORA TÊKOŞER Û XEBATKARÊ MEZIN ISMA’ÎL UMER KIR ….

Bi boneya 14emîn salvegera koçkirina têkoşer û xebatker serokê partiya Yekîtî “Isma’îl Umer”şandek ji Partiya Yekîtiya Dîmiqratî Kurdistanî ya bi ser ENKSê ve,di roja pêncşemê 17.10.2024’an de,serdana gora têkoşer Isma’îl Umer ,li gundê Qerequyê yê bi ser bajarê Dirbêsiyê ve, li Kurdistana Sûrî kirin.

Herwiha şanda PYDKê bi serokatiya xanim Fesla Yûsif sekretêra PYDKê bû.Her wiha bi beşdarbûna nivîskar û helbestvan Seyfedîn Qadirî nûnerê şaxê Hesekê yê Yekîtiya Nîvîskarên Kurdistana Sûriya.

û hatin pêşwazî kirin ji aliyê malbata têkoşer Isma’îl Umer û piştre şandê qevdek ji gulan danîn ser gora têkoşerê nemir Isma’îl Umer û wêneyê Elfatîha li ser giyanê têkoşer Isma’îl Umer xwendin.

Herwiha xanim Fesla Yûsif,li ser gora têkoşer axaftinek kir û di axaftina xwe de,diyar kir em wek wefedarî 14emîn salvegera têkoşer Isma’îl Umer em vedijînin.

Herwiha Yûsif, di axaftina xwe de,rola têkoşer Isma’îl Umer ya giring di qonaxa derbasbû de,li seranserî tevgera kurdî ya Sûrî û kurdistanî û ya Sûrî bi awayekî bilind nirxand.Û tê de diyar kir ku mîna van têkoşera em ê tim deyindarê wan bin li hember kar û xebata wanî netewî ya kurdayetî.Ji ber ku van têkoşera di hemû cureyên estengî û eskencê de li ser rêbaza piroja netewa kurdî berdewam bûn, ta ku jiyan xwe jidest didan.
Û di dawiya axaftina xwe de,soza xwe nû kirin li ser berdewambûna rêbaza bavê Şiyar û spasiya hemû beşdaran kir..

Herwiha helbestek jî hat pêşkêş kirin ji aliyê nûnerê şaxê Hesekê yê Yekîtiya Nîvîskarên Kurdistana Sûriya M.Seyfedîn Qadirî.

Herwiha di dawiyê de, malbata têkoşerê nemir Isma’îl Umer,jî kêfxweşiya xwe dan xuyakirin li ser wefedariya hevalên wî ji bo bîranîna14emîn salvegera koçkirina wî..

Ragihandina ENKSê

Raport:Elî Fetah…