PDK_Sê, 36 emîn salvegera koçbarkirina xebatkar Dr, Nûredîn Zaza li Swîsra li darxist.
Roja yekşemê 13ê Cotmeha 2024an, rêxistina Swîsraayê ya Partiya Demoqrata Kurdistan_Sûriya, salvegera 36 emîn a koçbarkirina Dr, Nûredîn Zaza vejand , bi serdana gora wî li bajarê Lozan yê Swîsra yê.
Ev yek bi amadebûna endam û alîgirên partî û kesûkarên wî, û gurzek gul li ser gora wî danîn.
Û di derbarî vê salvegerê de hin gotin li ser xebat û jiyana Dr, Nûredîn Zaza hatin xwendin.
Wek tê zanîn salvegera” 36″ emîn ya koçbarkirina Dr, Nûreddîn Zaza, ku kesayetekî siyasetmedar û nivîskar û rewşenbîr bû û xwedî karîzmayeke siyasî û civakî bû û cihê xwe di nava civaka kurdî de girtibû, û ji ber vê yekê ta niha xelk li dîrok û nivîsandin û çîrokên wî yên navdar û balkêş guhdar dikin “.
di derbarî xebata wî ya neteweyî de :
hin zaniyarî li ser Jiyan û Dîroka Dr,” Nûredîn Zaza “,
Dr,”Nûredîn Zaza ” di sala “1919”an de , li gundekî nêzîkî Amedê li Bakûrê Kurdistanê ji dayik bûye , û ji malbatekî welatparêz û niştîmanperwer bû , û di sala “1925”an, ji ber ku melbata wî tevlî şoreşa Şêx Seîd Pîran bûn ji aliyê Hikûmeta Tirkiyê ve hatin girtin ,û ji vê sedemê “Nûreddîn Zaza ” di wê demê de temen “7 “salî bû neçar bû bi birayê xwe re Dr, “Nafiz ” derbasî Kurdistana Sûriya bûn û li bajarê Qamişlo bicih bûn.
Û di sala “1949”an de, li gel hevalên xwe komeleya Xwendevanên kurd li Ewropa ava kir.
Û di “14”ê hezêrana sala “1957 “an , hat hilbijartin ku bibe yekemîn serokê partiya Dêmokrat a Kurdistanê – Sûriya û bi dest çalakiyên siyasî kir .
Û herwiha Nivîskarê kurd “Dilawer Zengî”, li ser “Nûredîn Zaza” dibêje :
ku ew xwediyê berhemên wêjeyî bû jî, û bi wan berhemên wêjayî wî karîbû xwe bike neynika civaka kurdî
Û herwiha yek ji helbestên wî ev bû:
Li ser rêya dijwar .
Min jî kire pir hewar.
Da ji bo we jî rojekê
Dinya bibe gulbehar .
Û Di roja “7 ” ê cotmeha sala “1988” an, Dr,”Nûredîn Zaza “, di temenê xwe yê “69” salî de li welatê Siwêsra Jiyana xwe ji dest da, û li goristana bajarê” Lozan “bi xakê hat spartin..
Ragihandina ENKSê
Qamişlo
