TÊKOŞER Û SIYASETMEDARÊ KURD IBRAHÎM ŞIWÊŞ KOÇA DAWÎ KIR..
Têkoşer Ibrahîm Şiwêş sikretêrê Hevdîtina Niştimaniya Dîmoqrat û endamê Emîndariya giştî ya ENKSê li bajarê Amûdê li Kurdistana Sûrî,koça dawî kir,ku piraniya jiyana xwe ji bo xizmeta doza Kurdî terxan kiribû.
Di roja pêncşemê 10.10.2024an de,encûmena xwecihî ya bajarê Amûdê ya bi ser ENKSê ve,bi merasîmek bi nirx têkoşrê wefedar Ibrahîm Şiwêş sikretêrê Hevdîtina Niştimaniya Dîmoqrat û endamê Emîndariya giştî ya ENKSê
li goristana bajarê Amûdê li Kurdistana Sûrî sipartin axê .
Her wiha li ser gora têkoşer gotina Xwecihiya Amûdê ya bi ser ENKSê ve ji aliyê serokê xwecihiyê, birêz Ismaîl Hec Sînan ve hat pêşkêş kirin.
Di derbarê axaftina xwe de, Sînan rol û kurtejiyan têkoşer Ibrahîm Şiwêş,
ji aliyê kurdayetiyê,
niştimanî,aştiyê,civakî û xêrxwaziyê diyar kir û bi awayekî bilind nirxand.
Herwiha gotina ENKSê ve,ji aliyê xanim Fesla Yûsif endama desteya serokatiya ENKSê ve, hate pêşkêş kirin.
Di derbarê axaftina xwe de,Yûsif diyar kir ku têkoşer Îbrahîm Şiwêş yek ji wan pêşengên ku di nav tevgera neteweyî ya kurd de kar kiriye û bi awayekî xurt parastina prensîbên ku ew pê bawer kiriye û armancên neteweyî û niştimanî yên gelê kurd li Sûriyê kiriye, û bi fedakarî di serokatiya Encûmena Niştimanî ya Kurd de kar kiriye, da ku performansa xwe û hebûna ENKSê ya girseyî, civakî û neteweyî pêş bixe.
Her wiha gotina Partiya Pêşverû ji aliyê birêz Taha Hisên ve ,endamê komîteya navendî ya PDPKS hat pêşkêş kirin.Tê de behsa nemir Ibrahîm Şiwêş û qonaxên jiyana wî kir, wek mirovekî ku jiyana xwe xistibû bin doza gelê xwe .
Di dawiyê de,gotina malbata têkoşer Ibrahîm Şiwêş,ji aliyê birêz Şiwêş Şiwêş ve,hat pêşkêş kirin û têde spasiya hemû beşdaran kir li ser beşdarbûna wan.
Ragihandina ENKSê
Raport:Elî Fetah..
