Karbidestên Lubnanî bajarokek ji penaberên Sûrî vala kirin
Desthilatdarên Libnanî bajarokek li bakur bi temamî ji penaberên Sûriyê vala kirin,
piştî hişyariyên berê ji bo vegerandina milkan ji xwediyên wan ên Libnanî re.
Di roja Sêşemê 27ê Tebaxê, Rêveberiya Giştî ya Ewlehiya Dewletê li ser rûpela xwe ya fermî ya Fêsbokê ragihandibû, ku li bajarokê Keferhebo yê ser bi navçeya Diniye li bakurê welat, kompleks û malên niştecihbûnê vala kirine.
Rêvebiriyê anî ziman ku wê biryarên hikûmeta Lubnanê cîbicî kirine û ev derxistin piştî hişyariyên ku Rêveberiyê beriya demekê dabû penaberên Sûriyê yên li bajarokê Keferhebo li Diniyê da ku mal û milkên ku di destê wan de ne vala bikin û vegerînin ,xwediyên Lubnanê.
Rêvebiriyê berdewam kir, ku dewriyeyên wê hemû penaberên Sûrî yên neqanûnî li bajarok derxistin, û malên hemû kesên ku ji cîbicîkirina biryarê red kirin bi mûma sor mohr kirin.
Di vê çarçoveyê de di 13’ê Tebaxê de parêzgarê Bakurê Lubnanê Remzî Nehra ji Rêveberê Herêmî yê Asayîşa Dewletê ya Bakur re belavokek belav kir û tê de, welatiyên Sûriyê yên ku niştecihbûna qanûnî ya wan tune ye, ji pêwîstiya valakirina bajarokên li navçeya Zixerta agahdar kir.
Parêzgar Nehra di her sê dorvegeran de tekezî li ser pêwîstiya vekolînekê ji bo piştrastkirina pêbendbûna bi naveroka erkê di dawiya maweya diyarkirî ya 15 rojan de kir.
Her wiha Wî ferman da, ku niştecihên binpêker bi mûma sor bên mohrkirin û rê li ber ku kes nêzîkî wan bibe di egera nepejirandinê de.
Ragihandina ENKSê
Raport:Elî Fetah
