DI ROJA XWENÎŞANDANÊN SALANE DE LI SUWEYDAYÊ DAXWAZA RÛXANDINA RÊJÎMA SÛRÎ KIRIN
Di roja xwenîşandanên salane de, bi hezaran kes li Suweydayê xwenîşandan kirin û daxwaza rûxandina rejîma Sûrî kirin.
Di roja Înê 16ê Tebaxê bi hezaran kes di xwepêşandaneke navendî de li bajarê Suweydayê ji bo nûkirina daxwaza xwe ya rûxandina rêjîma Sûriyê kom bûn.
Tora xwecihî ya Suweyda 24 got ku şandên hemû gundên Suweydayê beşdarî xwenîşandana navendî li meydana Kerama li navenda bajêr bûn, û girseya gel daxwaza rûxandina rêjîmê, azadî û guhertina rastî kir.
Tora navborî amaje bi wê yekê jî kir, ku meydana Karama di roja Înê, şeva salvegera destpêkirina tevgera aştiyane li parêzgehê, hinek ji nû ve vegere.
Li gorî torê, beşdarbûna jinan bi cil û bergên gelerî cihêreng bû, û jinan pankartên li ser daxwazên siyasî yên tevgerê yên rûmet, azadî û hilweşandina pergala desthilatdar bilind kiribûn.
Toreyê diyar kir ku xwepêşandanên li Qada Rûmetê bi salan berdewam bûne û nesekinîn.
Rûpelê amaje bi wê yekê kir ku serhildan li piraniya gund û deverên gundewarî belav bû, û aramiya xwe parast û pabendî daxwazên xwe yên sereke bû, wek cîbicîkirina biryara navdewletî ya 2254, azadkirina girtiyan û zelalkirina çarenivîsa windakiriyên bi zorê.
Ji Tebaxa 2023an ve, xelkê parêzgeha Suweydayê serhildana xwe ya gelêrî berdewam kirine, bi rêya xwepêşandanên rojane û daxwaza rûxandina rejîma Sûriyê, derketina Îranê ji welatê xwe weke dagirker û cîbicîkirina biryara 2254 ya Neteweyên Yekbûyî, ku garantiya bidestxistina veguhestina aştiyane ya desthilatê bi rêya hilbijartinên demokratîk di bin çavdêriya Neteweyên Yekbûyî de.
Ragihandina ENKSê
Raport;Elî Fetah
