NAVEROKA HEVDÎTINA DI NAVBERA (PYK-S Û TÇK-S) DE
Hevdîtinek di navbera Partiya Yekîtî ya Kurdistanî -Sûriyê û Tevgera Çaksaziya Kurdî – Sûriye, 30 Tîrmeha 2024an de hat lidarxistin.
Şandeke ofîsa siyasî ya Partiya Yekîtî ya Kurdistaî – Sûriyê, bi serokatiya sekreterê partiyê birêz Silêman Oso, serdana baregeha Tevgera Çaksaziya Kurdî li Sûriyê li bajarê Qamişlo kir.
Her wiha şande ji aliyê birêz Fêsel Yûsif, hevrêzkarê giştî yê tevgerê û endamên ofîsa cîbicîkar û endamên hevrêziya giştî ve hatin pêşwazî kirin.
Her du aliyan li ser xurtkirina peywendiyên dualî û pêwîstiya pêşxistina wan û pêşhatên siyasî yên dawî li navçeyê û Sûriyê û Kurdistana Sûriyê gotûbêj kirin.
Di hevdîtinê de, mijareke din ya civînê jî Encûmena Niştimanî ya Kurd li Sûriyê bû, ku tekezî li ser aktîvkirina hemû ofîs û desteyên wê kir.Her wiha diyaloga Kurdî -Kurdî jî hat gotûbêj kirin.
Hêjayî gotinê ye ku Yekîtî Kurdistan û Tevgera Çaksaziya Kurdî endamên Encûmena Niştimanî ya Kurdî li Sûriyê ne.
Ragihandina ENKSê
Raport:Elî Fetah
