TORA MAFÊN MIROVAN: HÊZÊN SÛRIYA DEMOKRATÎK 3 ZAROK REVANDIN..

TORA MAFÊN MIROVAN: HÊZÊN SÛRIYA DEMOKRATÎK 3 ZAROK REVANDIN..

 

Tora Mafên Mirovan: Hêzên Sûriya Demokratîk 3 zarok ji gundewarê Hesekê revandin

 

 

Tora Mafên Mirovan ragihand ku di roja Duşemê 15ê Tîrmeha 2024an de,revandina 3 zarokan ji aliyê Hêzên Sûriya Demokratîk (HSD) ve li gundewarê Hesekê yê Kurdistana Sûriyê, belge kiriye.

 

 

Tora Çavdêriya Mafên Mirovan a Sûriyê di daxuyaniyekê de ku, navên 3 zarokên ku ji aliyê “Ciwanên Şoreşger” yên Hêzên Sûriya Demokratîk ve li gundewarê Hesekê hatibûn revandin, eşkere kir.

 

Li gorî torê, zarokên revandî “Omer Ciwan Elîsa – Ayaz Jovan Hac Mihemed – Mihemed Ebdulreûf Osman in” û temenê wan di navbera 11 û 13 salî de ne û ji gundê Til Tewîl Merşo li Hesekê ne.

 

 

Wê got jî, piştî ku ew hatin revandin, wan ew birin kampên leşkerkirinê li kampa Pêşewa li Hesekê, û tevî hewildanên malbatên wan ji bo vegerandina wan, malbatên wan gefa kuştinê û lêdanê xwarin, eger ew berdewam bin li ser daxwaza zarokên xwe.

 

 

Toreyê tekez kir ku Hêzên Sûriya Demokratîk binpêkirinên xwe li dijî sivîlan û zarokan li deverên di bin destê wan de didomînin, ji ber ku zarokan digrin û wan di kampên leşkeriya neçar de dihêlin.

 

Toreyê banga xwe dûbare kir û got: “Me gelek caran bang li rêxistinên navdewletî û civaka navdewletî kiriye ku berpirsyariyên xwe hilgirin û dawî li van binpêkirinan bînin, lê me guhên xwe ker nedît.

 

 

 

Wek tê zanîn Fermandarê Hêzên Sûriyeya Demokratîk Mezlûm Ebdî di sala 2019an de bi nûnera Neteweyên Yekbûyî ya ji bo zarokan û şerê çekdarî Vîrgîniya Gamba re planeke pabendbûnê îmze kir ku dawî li leşkerkirina zarokên di bin 18 saliyê de bigire û nehêle leşkerkirina zarokên di bin temenê 18 salî de were bikaranîn.

 

 

Li gorî çavdêriyan Rêxistina Ciwanên Şoreşger armanc dike ku zarokên biçûk birevîne, li gorî berjewendiyên PKKê mejiyê zarokan bişon, wan ji aliyê leşkerî ve bike nav refên partiyê.

 

 

Ragihandina ENKSê

Raport: Elî Fetah.