NETEWEYÊN YEKBÛYÎ DILGIRANIYA XWE DERBARÊ ŞER LI SER SIVÎLAN DI HEYVA REMEZANÊ DE NÎŞAN DIDE.
Neteweyên Yekbûyî dilgiraniya xwe derbarê bandora şer li ser sivîlan di meha Remezanê de nîşan dide
Netewên Yekbûyî nîgeraniya xwe derbarê berdewamiya bandora şer li ser sivîlan li bakurê rojavayê Sûriyê di meha Remezanê de nîşan da.
Berdevkê Neteweyên Yekbûyî Sitîvan Dujarîk got ku bombebaran taxên niştecihbûnê li devera Sîrmîn a Idlibê kir armanc û di encamê de keçeke heft salî hat kuştin û nêzîkî 10 kesên din jî birîndar bûn, di nav de jin û zarok.
Yekşema borî, otombîleke bombekirî li bazareke gelêrî li bajarê Ezazê li bakurê Helebê teqiya û di encamê de herî kêm 8 kes hatin kuştin ku di nav wan de zarok û jin hebûn, û gelek kes jî birîndar bûn.
Cîgirê Kordînatorê Herêmî yê Karûbarên Mirovî ji bo Qeyrana Sûriyê Dêvêd Kardîn sersaxî ji malbatên qurbaniyan re xwest û tekez kir ku divê sivîl ti carî nebin armanc.
Berdevkê Netewên Yekgirtî diyar kir, ji destpêka îsal ve heta niha herî kêm 11 kes di nav wan de 2 keç di encama şer û pevçûnên li bakurê rojavayê Sûriyê de hatine kuştin û nêzîkî 50 kesên din jî birîndar bûne ku 16 ji wan zarok in.
Ragihandina ENKSê
Raport:Elî Fetah
