Di zehmetkêşiya ku ev 8 salan bi ser miletê me de derbasdibe li Kurdistana Sûriya, û giranbuha pêdiviyên jiyanê, miletê me gelek astengî dîtin ji bo ku karibe jiyana xwe berdewam bike û nanê zarokê xwe peyda bike.
Lewre berê xwe dan kar tevlî ku nirxê wê erzan e li hember buhabûna pêdiviyan, ji ber vê yekê herdem hin milet ji bo ku daxwazên zarokên xwe bi cihbînin berê xwe dide cihê nirxên erzan wek “cilên bala”.
Divê derbarê de peyamnêrê li bazara baliyan ji welatiyekî bi navê Ehmed Husên pirs kir û wiha bersiva peyamnêrê me da û got: “Divê zivistanê de şeş zarokê min hûrin û bi karê xwe ez nikarim daxwazê wan bi cih bînim ji ber wisa ez berê xwe didim cihê bala ta ez karibim hinekî laşê wan nazik biparêzim ji serma çileyê”.
Û jinek ji him welatiyan bi navê Xebat Ûmer ji peyamnêrê me re got: “Cilên nû ê li bazaran gelekî buhane û ji ber wisa em berê xwe didin cihê baliyan ta em karibin bi nirxekî kêm cila ji zarokê xwe re bikirin.
Xwediyê bestek balan bi navêEkrem Ibrahîm divê mijarê de ji peyamnêrê me re got: “Jiyana me bi zehmetî derbas dibe ji ber vê yekê em berê xwe didin karekî ku em karbin bi xwîdana xwe nanê xwe bixwin, min berê xwe da firoştina baliyan ku ez bi şelan bala tînim û her şelekî buhayê wê 100 Dolare bi rastî fêda min pir kêm e lê tu karê din ez nikarim bikim ji ber ku ji min re giran e”.
Amedekirin : Yusra Zibêr
Ragihandina ENKS ê – Qamişlo
