Yekîtiya Ewropa: Di vê salê de em ê li ser zextên ji bo bidawîkirina şerê li Sûriyê bisekinin
Şanderê taybet ê Yekîtiya Ewropayê ji bo Sûriyê Dan Stoyinîsko da xuyakirin, ku Yekîtiya Ewropayê dê di sala niha de giraniyê bide ser zextên ji bo bidawîkirina şerê li Sûriyê.
Stoyinîsko tekez kir ku Yekîtiya Ewropî piştgiriya hewlên Şanderê Netewên Yekbûyî yê taybet bo Sûriyê Gîr Bederson û nêzîkbûna wî ya gav bi gav ji bo bihêzkirina proseya siyasî û ji nû ve destpêkirina civînên Komîteya Destûra Sûriyê dike.
Stoyinîsko amaje bi wê yekê kir ku Yekîtiya Ewropî dê ji bo peydakirina pêdiviyên mirovî yên bilez ên Sûriyê, bi taybetî beşên herî mexdûr ên li seranserê welêt bixebite.
Stoyinîsko tekez kir ku Yekîtiya Ewropî piştgiriya hewlên Şanderê Netewên Yekbûyî yê taybet bo Sûriyê Geir Buderson û nêzîkbûna wî ya gav bi gav ji bo bihêzkirina proseya siyasî û ji nû ve destpêkirina civînên Komîteya Destûra Sûriyê dike.
Her wiha bal kişand ser xurtkirina demokrasî, mafên mirovan û azadiya derbirînê bi xurtkirina rêxistinên civaka sivîl ên Sûriyê.
Nûnerê Ewropî destnîşan kir ku bloka Ewropî dê di sala niha de kar bike ji bo bihêzkirina berpirsiyariya tawanên cengê li Sûriyê ji bo hêsankirina proseya lihevhatina niştimanî û dadweriya veguhêz.
Wî bal kişand ser wê yekê ku Sûriye hîn jî pêşaniyek sereke ye ji bloka Ewropî re, û tekez kir ku Yekîtî di wê baweriyê de ye ku yekane rê ji bo bidestxistina aştiya berdewam li Sûriyê bi rêya çareseriyeke siyasî ye li gorî biryara jimare 2254 ya Encûmena Ewlekariyê ya Neteweyên Yekbûyî.
Ragihandina ENKSê
Raport:Elî Fetah
