Di rojeke weku îro de 6ê Sibata/ Reşemiha 2023an, erdhejek bi hêza 7.7 pileyê Rîxterê li Mereşa Bakurê Kurdistanê çêbû û bandoreke mezin li Rojavayê kurdistanê û Sûriyayê kir …
Herêm û bajarên Sûriyê û Rojavayê kurdistanê ku ji ber erdhejê bandor li wan hate kirin : Efrîn, Kobanê, Serê Kaniyê , Cindêrsê, Heleb, Lazqiyê, Hema, Tertûs û Îdlibê ,ku gelek avahî hilweşiyan û wêran bûn û bi hezaran xanî zirar dîtin û bi hezaran kes bûna qurbaniyên erdhejê û herwiha ku zêdeyî milyonek kes li Bakurê Sûriyê bandor bûne.
Tîma Bersivdana Sûriyê” di raporta xwe de bibelge kir ku 334 hezar û 821 malbat bi giştî 1 milyon û 843 hezar û 911 kes li navçeyên bakurê rojavayê Sûriyê ji ber erdheja wêranker a ku di 6ê Sibata 2023an de li Sûriyê û Tirkiyê qewimî, ziyan dîtine.
Tîmê di raporta xwe de bal kişande ser wê yekê ku erdhejê bûye sedema koçberkirina 48 hezar û 122 malbatan bi giştî 311 hezar û 662 kes, ku ji wan zarok, jin û rewşên taybet %67ê hejmara wan pêk tînin û diyar kir ku zêdetirî 51 hezar û 931 kes ji xelkê bandor bûne, ji ber ziyanên malên xwe hîn jî di nava navendên penageh û kampan de ne.
Ragihandina ENK-S ê
Raport: Hêvî Delî
