EFRÎN :DU WELATIYÊN KURD JI ALIYÊ ÎSTIXBARATÊ TIRKÎ VE HATIN GIRTIN.

Kurdistana Sûrî li herêma Efrînê , îstixbaratê Tirkiyeyê 2 welatiyên Kurd bi hinceta ku “pêwendiya wan bi Rêveberiya Xweser re ya PYDê heye girtin.

Her du welatiyên ku hatine girtin ji gundê Koliya Jêrînê yê navçeya Racoya Efrînê ne.

Li gorî Çavdêriya Mafê Mirovan a Sûrî(SOHR), îstixbarata Tirkiyeyê 2 welatiyên ku temenê wan 57 û 53 salî ne bi tohmeta “pêwendiya wan bi Rêveberiya Xweser re ya PYDê heye” girtin û birin cihekî nediyar.

Herwiha hat gotin ku bi awayekî hemdem, girtiyekî din ê ji gundê Mişelê yê navçeya Şeraya Efrînê jî birin girtîgeha Racoyê ya ku gelekî xirab e.

Girtiyê ji Mişelê beriya niha bi tohmeta “pêwendiya wî bi Rêveberiya Xweser re heye” hatibû girtin.

Herwiha Îstixbaratê Tirkî, 31.1.2024an li gundê Xaltayê ya Cindirêsê, kesekî astengdar ê 40 salî û hevjîna wî girtibûn.

Ragihadina ENKSê

Raport:Elî Fetah