Encûmena xwecihî ya bajarê Amûdê ya bi ser ENKSê ve, li navenda xwe di roja Şemiyê 27.1.2024an de, civîna xwe ya asayî lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Û piştre behsa rewşa siyasî û pêşhatên dawî yên di qada siyasî ya Sûriyê de kir.
Tiştê ku herêm tê re derbas dibe di warê pêşhatên navdewletî û navçeyî û şopandina hemû rewşa Sûriyê û gefa Tirkiyê ya şer û êrîşên wê li ser herêmên Kurdistana Sûriyê.
Herwiha serokatiya nû ji bo encûmena xwecihî hate hilbijartin, ku her birêz:Siyamend Hesen wek serokê encûmena xwecihî li Amûdê, û birêz:Ebdurezaq Hac Qasim û birêz Ciwan Ebdulkerîm wek cîgirên wî hatin hilbijartin.
Di dawiyê de,serokatiya Encûmenê spasiya endamên Encûmenê û hesta berpirsyariya wan kir.
Ragihandina ENKSê
Raport:Elî Fetah
