Pedersen: Pirsgirêka Xezeyê derbasî Sûriyê dibe û di dosyaya Sûriyê de tiştekî nû nîne
Nûnerê Netewên Yekgirtî bo Sûriyê eşkere kir ku “pirsgirêka Xeza derbasî Sûriyê dibe” û niha ti nêrînên cidî derbarê dosyaya Sûriyê de nînin.
Gêr Pedersen di çarçoveya 21emîn civîna Doha de, ku bi beşdarbûna serokên dewlet û rêxistinên herêmî û navneteweyî didome, got ku li Sûriyê karkirina li ser erdê zehmet e û ger em aramî nepejirînin û li gorî prensîba gav bi gav dest bi kar nekin, em ê li Sûriyê metirsî bi karesateke mezin bigirin.
Pedersen her wiha got: Kêmbûneke berçav di alîkariyên Sûriyê de heye, ku bandorê li jiyana xelkê dike û divê her kes raweste û pêdaçûnê li ser tiştên ku bi qeyranê ve girêdayî ye, bike.
Nûnerê Neteweyên Yekbûyî ji bo Sûriyê tekez kir ku “Pirsgirêka Xezeyê diherike Sûriyê û oksîjenê devera aram li Rojhilata Navîn kêm dike.”
Gêr Pedersen her wiha got, “Tişta ku niha me nîgeran dike ew e ku di her kêliyekê de li Sûriyê dev ji lihevkirinê berdin. Divê pêvajoya siyasî were parastin, ji ber ku Sûriyeyî dixwazin di hemû dosyayan de beşdar bibin û di pêvajoya siyasî de biryaran bidin.”
Sala borî, Pedersen bang li aliyên pêwendîdar bi dosyaya Sûriyê kir ku “gotûbêjên dîplomatîk ên cidî ji bo avakirina baweriyê di navbera Sûriyan û aliyên din ên pêwendîdar de”, li gorî prensîba gav bi gav û di çarçoveya biryara 2254 de, bikin.
Ragihandina ENKSê
Raport:Elî Fetah
