Hevpeymaniya Navdewletî hêzeke leşkerî û locistîkî tîne baregeha xwe li Dêrezorê.
Hevdem ligel zêdekirina êrîşên leşkerî li dijî baregehên Amerîka û hevpeymaniya navdewletî li Sûriyê û Iraqê, duh yekşemê, hêzên hevpeymaniya navdewletî hêzên xwe yên piştevaniya leşkerî birin navendeke bajarê Dêrezorê.
Çavkaniyên medyayî yên Sûriyê ragihandin ku roja Yekşemê 19.11.2023ê hêzên hevpeymaniya navdewletî ya li dijî DAIŞê hêzeke leşkerî û lojistîkî anîne binkeya zeviya petrolê ya ElOmer li gundewarê Dêra Zorê.
Wê got jî ku du balafirên barhilgir ên leşkerî yên hevpeymaniya navdewletî ku alavên leşkerî yên pêşketî û cebilxaneyên curbicur hilgirtibûn, li her du baregehên zeviya petrolê ya ElOmer, ku mezintirîn baregeha hevpeymaniyê li Sûriyê ye, û zeviya gazê Konîko li gundewarê rojhilatê Dêra Zorê danîn .
Li gorî amarên dawî yên Wezareta Berevaniyê ya Amerîkayê, hêzên Amerîkayê û hêzên hevpeyman li Sûriye û Iraqê ji 17ê Cotmeha 2023an ve rastî 61 êrişan bi firokeyên bê firokevan û mûşekan hatine.
Ragihandina ENKSê
Raport:Elî Fetah
