Fransa bombebarankirina Idlibê şermezar dikeû daxwaza çareseriyeke siyasî li Sûriyê dike.
Wezareta Derve ya Fransî topbaran û bombebarana rêjîma Sûriyê û Rûsyayê li ser parêzgeha Idlibê li bakurê rojavayê Sûriyê şermezar kir.
Wezaretê di roja Duşemê 6ê Mijdara 2023ê di daxuyaniyekê de ragihand, êrîşên rêjîma Sûriyê û Rûsyayê ji 5ê Cotmehê ve di encam de herî kêm 70 kesan jiyana xwe ji dest dane ku sêyek ji wan zarok in û nêzîkî 350 kes jî birîndar bûne.
Wê anî ziman ku êrîşan taxên niştecihbûnê, kampên kesên bêwar, û binesaziya sivîl, di nav de dibistan û nexweşxane, kirin armanc, ku bû sedema bêwarbûna bêtirî 120,000 kesan.
Di daxuyaniyê de hat gotin, “Şerê ku rêjîma Sûriyê, Rûsya û hevalbendên wê li Sûriyê didin meşandin, bûye sedema mirina bi sed hezaran welatiyên Sûriyê û koçberkirina nêzîkî 12 milyon kesan.”
Di daxuyaniyê de tekezî li ser piştevaniya Fransa ji bo banga Sekreterê Giştî yê Netewên Yekbûyî û Şanderê wî yê taybet bo rawestandina şer li hemû navçeyên Sûriyê û gihiştina çareseriyeke siyasî li gor biryara 2254 ya Encûmena Asayişa Navdewletî hat kirin.
Herwiha wê tekezî li ser dilxwaziya Fransa kir ku bi tundî rêzê li yasayên mirovî yên navdewletî û mafên mirovan bigire û piştgiriya wê ji bo şerê li dijî bêcezakirinê.
Ragihandina ENKSê
Raport:Elî Fetah
