Ji Iraqê tên… Balafirên bêfirokevan baregeheke Amerîkî li gundewarê Hesekê kirin armanc
Milîsên bi navê “Berxwedana Îslamî li Iraqê” careke din baregeheke Amerîkî li Kurdistana Sûriyê kirin armanc, bêyî ku ziyanên canî çêbibin.
Çavdêrîya Sûrî ya Mafên Mirovan îro 5.11.2023ê ragihand, firokeyên bê firokevan ku ji Iraqê dihatin, êrişî baregeha Amerîkî li Til Beyder li gundewarê Hesekê kirin, û herî kêm teqînek li devera baregehê hat bihîstin, bêyî ku agahî derbarê ziyanên mirovî bên wergirtin.
Duh devera baregeha Şedadê ya Amerîkayê bi kêmî ve mûşekek ji milîsên di nav axa Iraqê de bû armanc.
Roja Înê, milîsên “Berxwedana Îslamî li Iraqê” bi 4 mûşekan baregeha Xerab Elcîr a Amerîkî li Rumeylanê kirin armanc, û çavkaniyên medyayî ragihandin ku “kesên nenas tê texmînkirin ku ji milîsên alîgirên Îranê bin” bi mûşekeke salvo, Baregeha hevpeymaniya navdewletî li Zeviya Elomer li gundewarê rojhilatê Dêrezorê.
Ji 18ê Cotmeha îsal ve, bingehên Amerîkî li Sûriye û Iraqê rastî zincîreyeke êrîşan hatine, ku piraniya wan ji aliyê milîsên bi navê (Berxwedana Îslamî li Iraqê) ve hatine girtin.
Li ser berdewamiya êrîşên li ser baregehên hêzên Amerîkî û hevpeymaniya navdewletî li Sûriyê, hevpeymaniya navdewletî roja Şemî û Pêncşema borî, 100 kamyonên barkirî bi alavên piştevaniya leşkerî barkiribûn bo baregeha xwe li Til Beyder li gundewarê Hesekê.
Ragihandina ENKSê
Raport:Elî Fetah
