Di 8.6.2023’an de,Rêxistina Amûdê ya Partiya Yekitî ya Kurdistan – Sûriyê, endamê rêxistina xwe birêz Ebdulmihsin Xelef, li bajarê Amûdê, bi beşdariya gelek kesayetiyên netewî salvegera wî ya yekem li ser koçkirina wî ya dawî vejandin.
Di derbarê vê yekê de M.Ebdulîlah Ocê endamê ofîsa siyasî yê PYK-S ji malpera me ya ENKSê re ragihand û anî ziman:
“Îro bi dilekî xemgîn em hevalê rê û rêbaza xwe mamoste Mihsin.bi bûneya derbasbûna salekê li ser koça wî dawî bi bîrtînin ,û emê soza xwe pêre nû bikin û emê rêça wî bi şopînin bi kar û xebat.
Da ku em armancên gelê xwe bi çesipînin,û mafên wî yê rewa cîbicî bikin”.
Herwiha Ocê got:
“Mamoste mihsin ji destpêka avakirina PYK-S Kar û xebat dikir,û di karê xwe de pêşeng bû.Ji ber vê yekê li rastî astengiyên ewlekarî dihat û zêdeyî carekê rastî bin çavkirinê dihat”.
Ocê got jî:”Ew kesê ku di nav kesayetiyên ku ji aliyê rêjîma Sûriyê û Partiya Yekîtiya Demokrat ve, hatibûn girtin, û di nav mamosteyên ku bi komek ji kadroyên partiya Yekîtî di destpêka şoreşê de ji kar hatibûn dûrxistin.
Di dawî de em aramî û dilovanî ji mamoste Mihsin re ji yezdanê dilovan dixwazin.Her weha em ser saxiyê ji malbat û hevalên wî û gelê xwe yê Kurd re dixwazin”.
Wek tê zanîn,di 8.6.2022’an de,Rêxistina Amûdê ya Partiya Yekitî ya Kurdistan – Sûriyê, endamê rêxistina xwe birêz Ebdulmihsin Xelef, li bajarê Amûdê, bi beşdariya gelek kesayetiyên netewî û partiyên Kurdî bi axê spartin.
Ragihandina ENKSê
Raport:Elî Fetah
