Di roja pêncşemê 13.4.2023an de,şandeke xwecihiya Dirbêsiyê ya bi ser ENKSê ve,Bi hemahengî li gel serokê xwecihiya Ebû Rasên,serdana hin malbat û gundên ku bi ser bajarê Dirbêsiyê û Ebû Rasên ve,yên ku çandinên wan ji ber barandina zîpika girs têkçûn kirin.
Herwiha di van serdanan de,şanda xwecihiyê ji malbatên ku çandiniyên wan ku 100%100 têkçûye,hevxemiya xwe ji bo ziyana giran ku gihiştiye wan bi wan re hevpardikir.Û ji aliyekî dinjî dihat diyarkirin ku dema ev karîsetên xwezayî bi serê miletekî de tên li hemû welatên cîhanê desthilata wan welatan bi erkê xwe radibe û piştgiriya gelê xwe dike û sivkayak pir mezin li miletê xwe dike û dihêlin rêxistinên xêrxwazî yên cîhanî bi alîkariya miletê wan re rabe.
Herwiha hemû malbatên ku şandê serdana wan kir,bi awayekî germtirîn pêşwaziya wan dikirin.Û spasiya şandê dikirin li ser serdana wanî bi nirx.
Herwiha hemû malbatan jî,digotin bera bi mal be û ne bi can be.Û XWEDAYÊ mezin ew dide û ew dibe.
Gundên ku pir ziyan gihiştiye wan û çandiniyên wan ji ber barandina zîbika girs têkçûn ev in.
Aliyê,Kurdo,Cûxa,Mezrê,Çetel,Sîha,Girê Mîr,Til Hermel,Tebeş,Tewrat…..wiha
Herwiha hin gundên dinjî rêjeyek ji çandiniyên wan têkçûn wek Ferhiya Xeleciya,Ebû Ciradê,Sefer,Sifêra…….hwiha
Herwiha li gorî zaniyariyan bi hezarên doniman ji zeviyên Çandiniyên genim,ceh,fûl,gijnîj û nîsik……wiha li gundewarê bajarê Dirbêsiyê û devera Zirganê ji ber barîna zîbika girs têkçûn.
Herwiha ji aliyekî din jî xwediyên zeviyan tanîn ziman û digotin :”Dema cotkarên belengaz ku li cem me dixebitîn piştî vê tofana giran ku bi serê me û wan de hat rebena barkirin û berên xwe dan cihekî din ta ku pariyê nanê zarokên xwe peyda bikin.Û ev pir li cem me zahmet me dît”.
Herwiha cotkarekî jî digot:”Va temenê min bû nêzî 80ê salî ,cara yekemîn ez vê tofana zîpikê dibînim”.
Wek tê zanîn ku di roja sêşemê 11.4.2023an de,katijmêr nêzî 6ê êvarî zîpikek girs li bajarê Dirbêsiyê û gundewarê wê û devera zirganê bariya û bi hezarên zeviyên çandiniyan têkçûn.
Ragihandina ENKSê
Raport:Elî Fetah
