Di roja Sêşemê 21ê avdarê sala 2023an de,cejna Newrozê ya netewî ya gelê Kurd, ji aliyê her du xwecihiyên Hesekê yên bi ser ENKSê ve,li gundê Til Fendî hat vejandin.
Herwiha bi beşdarbûna hejmarek pir ji cemawerê kurd ji hemû aliyên siyasî û civakî bi taybet yên herêma bajarê Hesekê û gundewarê wê.
Herwiha bi beşdarbûna cemawerên xwecihiya Til Temir û xwecihiya Ebû Rasên jî li ser vexwendina wan.
Herwiha hemû beşdar hatin bixêrhatin û Piştre pirogiramê Cejna Newrozê di destpêkê de,kêlîkek bêdenge li ser giyanên pakrewanên Kurd û Kurdistan û di pêşî de li ser giyanê Barzaniyê nemir û pakrewanên şeva Newrozê yên Cindirêsê û qurbaniyên erdhejê yên herêmên Kurdî bi sirûda Ey Reqîb rawestiyan.
Herwiha pirogramê newrozê ji aliyê Mamosta Mehabad Xelîl û mamosta Awaz Mihemed hat pêşkêş kirin.
Herwiha peyama Newrozê ya emîndariya giştî ya ENKSê ji aliyê mamoste Ebdurihman Reşîd ve, hat xwendin.
Paşê hunermend Masûm Şekakî hin ji stranan pêşkêş kir, beşên dîlan yên filklorî bi awazên wî hatin pêşkêşkirin.
Herwiha daxuyaniya ENKSê ji aliyê mamoste Hejar Mi’o ve hat xwendin.
Tawana hovane ya şeva Newrozê li Cendêris di derheqê kurdên resen ji aliyê komeke çekdar ya bi ser Tirkiyê ve û çar kurdên resen ji malbatekê pakrewan ketin bi tindî şermezar kir.
Herwiha hin dîlanên filiklorî ji aliyê koma Jîna Amînî ve hatin pêşkêş kirin.
Her wiha helbestvan Imran Muntiş çend helbest pêşkêş kirin.
Di dawiyê de,cemawerê beşdar cejn bi dîlana Kurmancî ya resen bi kêf û xweşî bidawîkirin.
Ragihandina ENKSê
Raport:Elî Fetah..
