Di roja Çarşemê 1.3.2023an de,bîranîna salvegera 44ê yemin li ser koçkirina dawî ya Barzaniyê nemir hat vejandin, Ji aliyê xwecihiya bajarê Amûdê ya bi ser ENKSê ve, li hewşa mala Hac Umer Dawê.
Herwiha bi beşdarbûna kesayetên serbixwe û nûnerên civaka sivîl û rewşenbîr,
herwiha bi beşdarbûna nûnerên partiyên siyasî û kesayetên civaknasî û olî , herwiha bi beşdarbûna rêxistinên jinan û ciwanan û xwendekaran jî.
Herwiha bi beşdarbûna xelkên herêma bajarê Amûdê û gundewarê wê.
Di destpêkê de,birêz Idrîs Hac Tahir bi navê encûmena xwecihî ya bajarê Amûdê ya bi ser ENKSê ve, bixêrhatina mêvanên beşdar kir.
Piştre xulekek bêdeng li ser giyanên pakrewanên Kurd û Kurdistan û bi taybet li ser giyanê Barzaniyê nemir û li ser giyanên qurbaniyên erdhejê yên herêmên kurdî rawestiyan bi sirûda Ey Reqîb.
Piştre hin axaftin hatin xwendin di derbarê vê bîranînê de.
gotina ENKSê ji aliyê birêz Mihemed Umer Şêxmûs ve hat xwendin.
gotina ENKSê di derbarê, dîrok û têkoşîna bavê ruhanî yê gelê Kurd Mele Mistefa Barzanî bû.
Herwiha gotina PDKSê ji aliyê mamoste Bahrem Mihemed Emîn ve hate pêşkeş kirin,
balkişand li ser rola Barzaniyê nemir û tekoşîna wî ya berdewam di xizmeta gelê Kurd û doza netewî de.
Li ser qurbanîdana Barzaniyê nemir û qonaxên jiyana wî bû.
Herwiha di vejandinê de,hin helbest jî hatin pêşkêş kirin di derbarê rola rêbazê Barzaniyê nemir de bûn.
Ragihandina ENKSê
Raport:Elî Fetah
