Sekretêrê Giştî yê Netewên Yekgirtî Antoniyo Gutêreş got ku rewşa mirovî ya ji niha ve, ya xirab li Sûriyê her ku diçe xirabtir dibe û eger destûra derbasbûna alîkariyan ji Tirkiyê bo bakurê rojavayê Sûriyê neyê nûkirin, dibe ku bi milyonan Sûriyeyî ji zivistanê xilas nebin.
Di raportekê de, ku wî pêşkêşî Encumena Ewlekariyê kir, ku ji aliyê Asoşîted Pirs ve, hat ragihandin, derbarê pêdiviyên mirovî li Sûriyê li gorî biryara 2642, ya ku erka derbasbûna alîkariyan bo bakurê rojavayê Sûriyê ji bo heyama şeş mehan dirêj dike heta 10ê Çileya bê, Gutêreş,wiha got: Alîkariya dersînor hîn jî beşeke bingehîn a operasyonên mirovahî ye ku bigihîje hemî kesên hewcedar”.
Karbidestê NY hişyarî nû kir:” ku rawestandina radestkirina der-sînor di nîveka zivistanê de, dibe ku bibe metirsî ku bi milyonan Sûrî bê alîkarîya pêwîst ji bo rawestana li ber şert û mercên hewayê yên dijwar û tekez kir ku alîkarîya dersînor ji bo bi milyonan mirovan xeteke jiyanê dimîne û nûkirina biryara Encûmena Ewlekariyê ya ku destûrê dide berdewamiya radestkirinan.” Ne tenê girîng e, lê pêwîstiyek exlaqî û mirovî ye.”
Wî herwiha bal kişand ser wê yekê ku Rûsya zextê li ser pirojeyên vegerandina zû li Sûriyê kiriye û diyar kir ku herî kêm 374 piroje li seranserê welat ji Çileya borî ve hatine cîbicîkirin, û bêtir ji 665,000 kesan rasterast ji wan sûdmend bûne û da zanîn ku li wir Zêdetir berfirehkirin hewce ye.”
Gutêreş got jî ku 7.5 milyon Sûrî li deverên ne di bin kontrola rêjîma Sûrî de dijîn, bi giranî li seranserî bakur, û hejmareke kêm li kampa Rukban in, 6.8 mîlyon ji wan hewcedarê alîkariyên mirovî ne ji ber şer û koçberbûna mezin”.
Ragihandina ENKSê
Raport:Elî Fetah
