Di roja Sêşemê 25.10.2022’an de,Şandeke Hevrêziya Herêma Kurdistanê ya Tevgera Çaksaziya Kurdï-Sûriye bi serokatiya endamê hevrêziya giştî û nûnerê tevgerê di nûneratiya Encûmena Niştimanî ya Kurd li Herêma Kurdistanê M.Wa’il Umer, berpirsê rêxistinê li Dihokê birêz Şiyar Xelo û Endamê Hevrêziya Domîz birêx Xelîl Hesen serdana ofîsa Partiya Demokrat a Kurdistan – Sûriya li Domîz kirin.
Her wiha şande ji aliyê birêz Mihemed Elî Îbrahîm endamê ofîsa Siyasî û berpirsê rêxistina Domîz a partiya PDKSê û hejmarek ji endamên encûmena herêmî a partiyê ve, hatin pêşwazî kirin.
Di hevdîtinê de, pêşhatên dawî yên siyasî li Sûriye, navçe û Kurdistana Sûriyê û behsa rewşa penaberên di kampan de di warê xizmetguzarî, perwerde, tenduristî û civakî û karkirina ji bo derbaskirina astengiyên li pêşiya penaberan hatin gotûbêjkirin.
Her wiha her du aliyan tekezî li ser bihêzkirina hevkarî û hevahengiya hevbeş di navbera her du partiyan û aliyên din partiyên Encûmena Niştimanî ya Kurdî di xizmeta gelê Kurd û doza rewa de kirin.
Ragihandina ENKSê
Raport:Elî Fetah
