PDK-Sê Salvegera 34emîn ser koçbarkirina têkoşer û xebatkarê kurd D, Nûredîn Zaza ” vejand …
Roja yekşemê 9ê Cotmeha 2022an, salvegera 34emîn koçbarkirina xebatkar Nûredîn Zaza ” li bajarê Lozan hate vejandin..
Û têde hejmarek gotin hatin pêşkêşkirin.
Gotina partiya Demoqrata kurdistan-Sûriya, ji aliyê M,Mustefa Cuma” endamê ofîsa siyasî.
Gotina rêxistina Ewropa ya PDK-Sê ji aliyê M,Nafih Beyro ” endamê ofîsa siyasî .
Gotina rêxistina Swêsra ya PDK-Sê ji aliyê M,Cemal Mirê ve hate xwendin.
Gotina Yekîtiya giştî ya nivîskar û rojnemevanên kurdistan Sûriya ji aliyê M,Xorşîd Elêwî ve hate pêşkêşkirin.
Gotina civaka kurdî li cinêvê ji aliyê M,Ronî Eydin ve hate xwendin.
Gotina musika kurdî ji aliyê M,Meco Kindiş hate xwendin.
Gotina malbata Nûredîn Zaza ji aliyê ” Kilbêrit Zaza ve hate xwendin.
di derbarê xebata wî ya neteweyî de :
Hêjayî were gotin ku Dr,”Nûredîn Zaza ” di sala “1919”an de , li gundekî nêzîkî Amedê li Bakûrê Kurdistanê ji dayik bûye , û ji malbatekî welatparêz û niştîmanperwer bû , û di sala “1925”an, ji ber ku melbata wî tevlî şoreşa Şêx Seîd Pîran bûn ji aliyê Hikûmeta Tirkiyê ve hatin girtin ,û ji vê sedemê “Nûreddîn Zaza ” di wê demê de temen “7 “salî bû neçar bû bi birayê xwe re Dr, “Nafiz ” derbasî Kurdistana Sûriya bûn û li bajarê Qamişlo bicih bûn.
Û herwiha Dr, “Nûredîn Zaza ” xwendina xwe ya seretayî û amadayî li Kurdistana sûriyê xwend,
û di sala “1945” an, berê xwe de welatê Lubnanê û li Beyrûtê xwendina xwe ya bilind di beşê Zanistên Siyasî de li zanîngeha Frensî bi dawî kir.
Û di sala “1949”an de, li gel hevalên xwe komeleya Xwendevanên kurd li Ewropa ava kir .
Û di “14”ê hezêrana sala “1957 “an , hat hilbijartin ku bibe yekemîn serokê partiya Dêmokrat a Kurdistanê – Sûriya û bi dest çalakiyên siyasî kir .
Û herwiha Nivîskarê kurd “Dilawer Zengî”, li ser “Nûredîn Zaza” dibêje :
” ku ew xwediyê berhemên wêjeyî bû jî, û bi wan berhemên wêjayî wî karîbû xwe bike neynika civaka kurdî.
Û herwiha yek ji helbestên wî ev bû:
Li ser rêya dijwar .
Min jî kire pir hewar.
Da ji bo we jî rojekê
Dinya bibe gulbehar .
Û Di roja “7 ” ê cotmeha sala “1988” an, Dr,”Nûredîn Zaza “, di temenê xwe yê “69” salî de li welatê Siwêsra Jiyana xwe ji dest da, û li goristana bajarê” Lozan “bi xakê hat spartin..
Ragihandina ENKSê
Raport:Hêvî Delî