Sêyamîn salvegera êrîşa Tirkiyê ser bajarê Serê Kaniyê û Girê Sipî de derbas dibe..
3 sal ji koçbarkirin û dagîrkirina her du navçeyên kurdî ” Serê kaniyê û Girê Sipî” berdewam e..
Ku di 9ê Cotmeha 2019an de , rojeke bi êş û xemgînî ser welatiyên Serê Kaniyê û Girê Sipî de derbas bû ji ber êrîşkirina hêzên artêşa Tirkiyê û girûpên çekdar yên bi ser wê ve ku bi şer û tank û Topan êrîşî her du bajaran kirin…
Û herwiha di encama vî şerî de kuştin û revandin û koçbarkirin di derheqê welatiyên sivîl de hatin kirin…
Û ji rexekî dî ve şêniyên resen yên her du bajaran bi dilgiranî neçar bûn ji navçeyên xwe koçber bibin û berê xwe bidin bajarên aram yên kurdistana Sûriyê û beşek ji penaberî başûrê kurdistanê bûn ….
Û welatiyên ji şêniyên ” Serê Kaniyê ku li bajarê Qamişlo dimînin daxuyakirin ku di 2019an dema êrîşa Tikiyê li ser bajarê wan û kiryarên kuştin û revandin derheqê xelkên sivîl de hatin rûdan koçbarî bajarê Qamişlo bûn , û viyan û hezkirina welatê wan di dilê wan de nayê jibîrkirin û ku bi zûtirîn dem de welatê wan were rizgar kirin û hemû koçbar li ser milk û malên xwe vegerin û jiyaneke azad û serfiraz li welatê xwe de bijîn …
Û herwiha tê zanîn ku tevî jiyana zehmet û kiryarên xirab ji aliyên girûpên çekdar ve li ser bajarên kurdan lê ev yek nabe kelem li pêşiya berxwedan û hêviya welatiyan ji bo vegerandina li ser axa xwe bi awayekî serfiraz…
Ragihandina ENKSê
Raport: Hêvî Delî