Di roja Duşemê 3.10.2022’an de,Hemîd Merwan Îdê,endamê Partiya Yekîtî ya Kurdistanî-Sûriyê, kurê birêz Merwan Îdê endamê komîta siyasî ya Partiya Yekîtî ya Kurdistanî – Sûriyê piştî zêdetirî sê mehan ji girtina wî ji aliyê çekdarên bi ser PYDê ve, serbest hat berdan.
Wek tê zanîn gelek hewildan û çalakî jî hatin kirin û hin çalakî jî hatibûn destnîşan kirin di demên bê de, bi taybet li ser malperên civakî ji bo serbest berdana Hemîd Merwan Îdê.
Bi taybet pîştî ku ragihandina Hemîd ji roja Çarşemê 21.9.2022an dest bi çalakiya gireva birçîbûnê kir û heta serbestberdana xwe yan jî jiyana xwe ji dest bide.
Yek ji wan çalakiya bangewaziya ku birêz Merwan Îdê endamê komîta siyasî ya Partiya Yekîtî ya Kurdistanî – Sûriyê û malbata Hemîd Îdê li ser rûpela xwe ya Fêyisbokê di roja çarşemê 21.9.2022an de belav kiribû di derbarê girtina kurê xwe Hemîd Îdê de.
Ev naveroka bangewaziyê ye .
Bange ji bav û malbata Hemîd Îdê.
Ji bo hemû kesên xwedî wijdan di nava gelê me de û ji bo hemû kesên ku bi êş û azarên me yên piştî hewldana kuştina Hemîd Îdê û girtina wî ji aliyê dezgehên ewlekarî yên bi ser PYDê ve .
Ji hemû rêxistinên mafên mirovan re, piştî sed roj ji girtina xortê Hemîd Îdê û du sal zîndankirina wî bi awayekî neqanûnî lê birîne.
Û bêyî ku li pêşberî dadgehan were derxistin, û mafê wî heye ku parêzerek destnîşan bike da ku wî biparêze û wî agahdar bike ji nebûna mafê wî re jî ji bo îtîrazkirina biryara xwe.
Hemîd ji roja Çarşemê 21.9.2022an dest bi çalakiya gireva birçîbûnê kir û heta serbestberdana xwe yan jî jiyana xwe ji dest bide.
Her wiha birêz Merwan Îdê di dawiya bangê de wiha gotiye.
Em hêvîdar in ku hûn hemû dengê me bigihînin hemû saziyên navneteweyî yên bi mafên mirovan re eleqedar in.
Wek tê zanîn ku zêdetirî sê mehan bi ser revandina birêz Hemîd Merwan Îdê re derbas bibû, ku ji 12ê Pûşbera 2022an ve li bajarê Amûdê yê Kurdistana Sûriyê hatibû revandin ji aliyê komên Çekdar yên bi ser PYDê ve û di roja Duşemê 3.10.2022’an de,serbest hat berdan
Ragihandina ENKSê
Raport:Elî Fetah
