Îro li Herêma Kurdistanê deriyê dibistanên hikûmî û nehikûmî hatin vekirin û bi fermî sala nû ya xwendinê dest pê kir..
Serokwezîrê Herêma Kurdistanê îsal ji bo vekirina deriyên dibistanan di sala nû ya xwendinê de serdana parêzgeha Duhokê kir û li qezaya Berdereş a wê parêzgehê li dibistana Eylûl amade bû û zengilê destpêkirina sala xwendinê ya 2022-2023 lêda.
Ku Îsal li Herêma Kurdistanê zêdetirî 1 milyon û 885 hezar û 400 xwendekaran berê xwe da navendên xwendinê.
Û herwiha tê zanîn ku Li Herêma Kurdistanê nêzîkî 126 hezar mamoste hene ku 30 hezar ji wan wanebêj in..
Û bi vê boneyê Serokwezîr Mesrûr Barzanî di gotarekê de hêviya serkeftinê ji xwendekaran û mamosteyan re xwest û ragihand, “tevî gelek krîzan me nehişt proseya xwendinê raweste”. Mesrûr Barzanî spasiya maosteyan jî kir û ragihand, di du salên bihorî de ji bo berdewamiya proseya xwendinê mamosteyan gelek qurbanî dane.
Mesrûr Barzanî herwiha tekezî ser çareserkirina pirsgirêkên proseya xwendinê jî kir.
Serokwezîrê Herêma Kurdistanê piştgiriya xwe bo Wezareta Perwerdeyê nîşan da û got, “ji bo pêşvebirina sektora perwerdeyê pêwîstiya me bi zanisteke baştir heye.”
Û hêjaya were gotin ku îsal xwendekarên koçberên Rojavayê Kurdistanê yên li Herêma Kurdistanê dimînin, dê bi programa Wezareta Perwerdeyê ya Herêma Kurdistanê bixwînin û dersa wan dê bi Kurdî be.
Ragihandina ENKSê
Raport: Hêvî Delî
