Di encama aloziya navbera Lubnaniyan û Sûriyan de, zilamekî Libnanî hat kuştin û artêşa Libnanî kampeke penaberan hilweşand.
Li gorî zaniyariyan di êvar Sêşemê,7.9.2022 an de, li herêma Kerikê ya Lubnanê aloziyek mezin di navbera komek penaberên Sûriyê û xortên Libnanî de, rû da û di encamê de, bi gulleyên tund di navbera her du aliyan de, welatiyekî Libnanî jiyana xwe ji dest da.
Herwiha malpera (Lubnan-24) jî got: “Di êvara Sêşemê li devera Kerik a navçeya Zahlê ya li Bîqaha Libnanî, aloziya ewlehiyê û bicihbûna artêşa Lubnanê rû da, piştî ku welatiyekî Sûriyê bi kuştina welatiyekî Libnanî li wê deverê hat tawanbarkirin. ”
Malperê herwiha eşkere kir ku “ciwanê (H. Teraf) hat kuştin ji ber gengeşiya bi xortên girêdayî Sûriyê re, û yekîneyên artêşa Libnanî bi awayekî berfireh li deverê bicih bûn, di dema ku agahiyên bihîstinê hene. Li herêmê bi çekên giran gulebaran kirin”.
Herwiha malperê, bal kişand ser peyamên dengî, yên bi rêya medyaya civakî û bang li xelkê kir, ku dakevin kolanan û Sûriyan ji herêma Kerikê derbixin”.
Di vê navberê de, tomareke vîdyoyî belav bû, ku tê de xuya dike ku desthilatdarên Libnanî bi beşdariya endamên artêşa Libnanî, kampa Qeb Eliyas li navçeya Zehlê ya Bîqahyê wêran dikin, û bi sedan malbatên Sûrî koçber û bêwar kirin.
Û berî Çend rojan, komek xortên Sûriyê ku di otombêlê de bûn dema ku diçûn ser kar, rastî gulebarana ji aliyê kesên nenas ve hatin û di encamê de ciwanê bi navê Xelîl Ebdulletîf Elmihemed Elferec hat kuştin û yên din birîndar bûn, li Terablusê,li Libnanê
Jêder:Yekîtî Mediya
Ragihandina ENKSê
Raport:Elî Fetah
