Di roja Duşemê danê sibê,8.8.2022an de, şandeke serkirdetiya Partiya Yekîtî Kurdistanî- Sûriyê, ku ji endamên desteya siyasî ya Partiya Yekîtî:M. Ibrahîm Biro,M.Newaf Reşîd û birêz Isma’îl Reşîd pêk dihat, serdana baregeha Partiya Serbestî Kurdistanî li Hewlêrê kir.
Herwiha Pêşwaziya wan ji aliyê Birêz Arif Bawûh Canî, berpirsê Partiya Serbestî Kurdistanî, Soran Kirmişanî û Necad Merîwanî, endamên ofîsa peywendiyên wê partiyê û Sehyar Yas Ehmedî, alîkarê ofîsa têkeliyan hat kirin.
Di hevdîtinê de, mamoste Ibrahîm Biro,axivî li ser rewşa Kurdistana Sûriyê, rola kurdan berî û piştî şoreşa Sûriyê, rola Partiya Yekîtî û têkoşîna wê li dijî kiryarên rêjîma Behis .
Herwiha Encumena Niştîmanî ya Kurdî mijareke din bû di axaftina birêz Biro de, tê de tekez kir ku avakirina Encûmenê ji bo eşkerekirina daxwazên gelê me yê Kurd, tevlîbûna wê di nava opozîsyona Sûriyê de û nûnertiya wê di forumên navdewletî yên girêdayî Sûriyê de bû.Û hewldanên dîplomatîk ên Encûmena Niştimanî ya Kurdî ji bo destnîşankirina mafên destûrî yên gelê me û herwiha mafên pêkhateyên mayî yên gelê Sûriyê di Sûriyeya pêşerojê de.
Herwiha ji aliyê xwe ve, Arif Bawûh Canî rewşa Rojhilatê Kurdistanê, rewşa aloz a siyasî û aborî, kiryarên nijadperestî yên di encama siyaseta rejîma melayên Îranê de, û rola Partiya Serbestî Kurdistanî bi hemahengî û têgihiştinê ligel aliyên siyasî, nirxand. pêkhateyên din ên gelên Îranê ji bo bidestxistina mafên xwe yên rewa.
Herwiha di hevdîtinê de, her du alî tekez li ser yekbûna enerjiyên Kurdistanî li her parçeyekî û rêzgirtin li taybetmendiya wê kirin û tekez li ser wê yekê kirin ku tiştê ku sîstema PKKê li parçeyên Kurdistanê dike, bi destêwerdan û bi cîh kirina ajandayên ku zererê dide doza Kurd.
Herwih Her du alî giringî dan hewlên ku ji bo yekbûna her du aliyên Partiya Demokrata Kurdistanî li Rojhilatê Kurdistanê, ji bo gihîştina bi eniyeke yekgirtî ya Kurdistanî.
Di dawiyê de, her du alî tekez li ser pêwîstiya peywendiya di navbera her du aliyên bira û pêşxistina peywendiyan bo xizmetkirina doza gelê kurd kirin.
Jêder:Yekîtî Mediya.
Ragihandina ENKSê
Raport:Elî Fetah
