Hevdem ligel pîrozkirina duyemîn salvegera destpêkirina wê, desteya serkirdayetiya Eniya Aştî û Azadiyê di êvara Înê 29ê Tîrmeha 2022an de, bi rêya teknîka zomê bi serokatiya Şêx Ehmed Elcerba, serokê Eniyê civîna xwe lidarxistin .
Civîn bi gotareke siyasî ya berfireh ji aliyê serokê eniyê ve, dest pê kir û bi boneya derbasbûna duyemîn salvegera destpêkirina Eniya Aştî û Azadiyê ya ku di encama wê de hatiye damezrandin, pîrozbahî li kombûnê û gelê Sûriyê bi giştî kir. pêdiviya Sûriyê berî wê pêwîstiya pêkhateyên eniyê bû, û tekezî li ser wê yekê kir ku pêwîste bi pêşde biçin ji bo bilindkirina rola xwe ya niştimanî bi helwêstên xwe yên hevseng û nerm li ser pirsa gelê Sûrî û welatê Sûrî.
Serokê eniyê di axaftina xwe de herwiha girîngtirîn bûyerên girêdayî rewşa siyasî ya giştî nirxand û dilgiraniya xwe li hember rawestandina civînên Komîteya Destûrî li Cinêvê nîşan da û dilgiraniya xwe ji karê wê ji destpêka damezrandinê ve nîşan da. tê de rêjîm siyaseta xwe ya astengkirin û dûrketinê berdewam kir bêyî ku cidiyetekê nîşan bide di çareserkirina mijarên girîng de, ev civînan bi hûrgiliyên ne giring diherikîne da ku rê li ber gihandina her lihevhatinekê bigire.
Herwiha Serokê Eniyê di axaftina xwe de, amaje bi lûtkeya Amerîka û Kendavê ya li Cideyê jî kir û li ser giringiya lidarxistina wê di van şert û mercên awarte de, ku navçe û cîhan tê de dijîn.
Herwiha Serokê eniyê di axavtina xwe de derbasî lûtkeya sê alî ya Astanayê bû ku hevdem ligel lûtkeya Cideyê li Tehranê hat lidarxistin û bêyî ku lihevkirinek were ragihandin bidawî hat.
Serokê eniyê di berdewamiya axaftinên xwe de behsa şerê Rûsiya û Ukraynayê jî kir û çaverê kir ku cîhan û welatên navçê ji encama berteng û bandorên vî şerî bibin şahidê kirîzên aborî û siyasî.
Herwiha Paşê, amadebûyan rojeva berdewam kirin, ji bo gotûbêjkirina mijarên rêxistinî yên navxweyî yên girêdayî aktîvkirina hebûna Eniyê li qada navdewletî û herêmî ya navdewletî, bi xurtkirina civînên bi aliyên siyasî yên cuda li hundirê Sûriyê û bi hêzên navdewletî yên çalak li dosyaya Sûriyê.
Herwiha hevrêzên ofîsan xebatên ofîsên xwe nirxand, û tekezî li ser giringiya şopandina karê wan li gor siyaseta Eniyê û xeta siyasî ya giştî kirin.
Endamên desteya serkirdayetiya Eniyê bi destêwerdan û lêkolînên xwe, gelek mijarên girêdayî nêrîna Eniya Aştî û Azadiyê ji bo pêşhatên heyî yên di mijara Sûriyê de, kirin û komîteya serkirdetiyê helwestên guncaw li ser wan girt.
Ragihandina ENKSê
Raport:Elî Fetah
