Di roja Îniyê 15.4.2022’an de, M.Fêsel Yûsif hevrêzê giştî yê Tevgera Çaksaziya Kurdî-Sûriya, endamê desteya serokatiya ENKSê û endamê şanda danûstandinên di navbera ENKSê û PYNKê de, piştî serbestberdana Rojnemevanên kanala Arkê RÊBAZ ji girtîgehên PYDê, li ser rûpela xwe ya Fêsbûkê daxuyaniyek belav kir.
Naveroka daxuyaniyê ev e.
“Avêtina gavan ji bo avakirina baweriyê ji aliyê Partiya Yekîtiya Demokrat (PYD) bi Encûmena Niştimanî ya Kurdî re ji bo girtina dosya girtiyên wê û rawestandina gefên li ser çalakvanên encumenê û malbatên wan”.
Herwiha Yûsif wiha ragihandiye.
“Û rakirina astengên li pêşiya danustandinan ji bo destpêkirina wê ji bo ku di zûtirîn dem de lihevhatineke Kurdî-Sûrî pêk were, ev pêwîstîyeke netewî û Kurdî ye û pêwîstiyeke pêwîst e li gor pêşhatên herêmî û navdewletî.”
Herwiha M.Fêsel Yûsif wiha berdewam kiriye.
“Serbestberdana her sê rojnamevanan Sebrî Fexrî, Ehmed Sofî û Dara Ebdo, xaleke girîng e ji bo diyalog û aktîvkirina belgeya garantiyê ku ji aliyê Amerîka û serokê Hêzên Sûriya Demokratîk Birêz Mezlûm Ebdî ve hatiye îmzekirin”.
Herwiha Yûsif, di dawiyê de,wiha ragihandiye.
“Hemd ji Xwedê re ji bo ewlehiya girtiyan û vegera wan di nav malbatên xwe de”.
Wek tê zanîn di 5.2 2022’an de, komên çekdar ên bi ser PYDê ve, rojnemavanê kanala ARKê” Sebrî Fexrî,ji bajarê Qamişlo revandin Û di 19.2 2022,ande, her du peyamnêrên kanala ARKê û RÊBAZ “Dara Ebdo” ji bajarê Hesekê û herwiha “Ehmed Sofî “ji gundê Bana Qesrê yê bi ser bajarê Dêrikê ve ji aliyê çekdarên PYDê ve, hatibûn revandin.
Herwiha di roja 15.4. 2022’an de, rojnemavan Sebrî Fexrî ” Ehmed Sofî û Dara Ebdo ji girtîgehên PYDê de serbest hatin berdan .
Ragihandina ENKSê
Raport:Elî Fetah
