Şandeya hevbeş ji xwecihiya rojavayê Hesekê ya bi ser ENKSê ve, bi boneya dehemîn salvegera şehadeta Pakrewan Idrîs Reşo serdana mala wî kirin.
Di destpêkê de ji bo giyanê pakrewanên Kurd û Kurdistanê û pakrewan Idrîs Reşo wêneyê Elfetîha hat xwendin.
Di serdanê de, li ser nirxên Pakrewanan û wateya fedekarî û rizgariyê hat axaftin û pêwîste rêz li xwîna pakrewanan bê girtin ku xwîna xwe ya paqij feda kirine, ji bo welat bi jiyaneke azad, aram û bi ewlehî dewlemend bibe.
Herwiha ji aliyê xwe ve, bavê şehîd Idrîs birêz Ehmed Reşo spasî û pêzanînên xwe ji Encûmena Niştimanî ya Kurd li Sûriyê re diyar kir ji bo beşdarbûna wê her sal di vejandina salan e ya şehîd Idrîs de.
Serokê Encûmena Xwecihî ya Rojava li Hesekê Xelef Emînakî û di daxuyaniyeke taybet de, ji malpera Encûmena Niştimanî ya Kurdî re, derbarê serdanê de axivî û got:
“Ji bo rêzgirtina xwîna Pakrewanan, di dehemîn salvegera şehadeta Idrîs li ser destê hêzên rejîma Sûriyê, di xwepêşanda yekemîn de,ya salvegera destpêkirina Şoreşa Rûmeta Sûriyê bû.Li ber Mizgefta Sofiya li taxa Muftî me serdana mala Pakrewan Idrîs Reşo kir.
Hêjayî bîrxistinê ye, ku Pakrewan Idrîs Ehmed Reşo di Sibata 1987an de, jidayîk bûye, di 16ê Avdara 2012an de, şehîd ketiye.
Di yekemîn salvegera destpêkirina şoreşa rûmetê ya Sûriyê û bîst û çaremîn salvegera komkujiya Helebçeyê li Kurdistana Iraqê, ku ji aliyê hêzên ewlehiyê yên Sûriyê ve hat gulebarankirin, û di rêwresmeke bi heybet ku hemû pêkhateyên bajarê Hesekê tê de beşdar bûn, cenazeyê wî li cihê wî yê dawî hat binaxkirin.
Ragihandina ENKSê
Raport:Elî Fetah
