XWECIHIYA ROJHILAT YA HESEKÊ“119” SALIYA JIDAYIKBÛNA BAVÊ NETWA KURD MELA MISTEFA BARZANÎ VEJANDIN.

Di roja duşemê 14.3.2022an de,bi bîranîna salvegera 119emin li ser jidayikbûna Barzaniyê nemir ji aliyê xwecihiya Rojhilat ya bajarê Hesekê ya bi ser ENKSê ve,hat vejandi.

Bi helkefta vê boneyê,Xwecihiyê bi beşdariya endamên encûmena xwecihî û hejmarek girseya gel, bi çandina daran li bexçeyê Barzanî yê nemir li gundê Til Efendî yê bi ser bajarê Hesekê ve,, ev helkeft vejandin.

Serokê encûmena xwecihî birêz Elî Dawid ji R-ENKSê re got:

“Îro salvegera jidayikbûna mezin a neteweya me, ji dayîkbûna bavê manewî û sembola azadî û tekoşîna nemir Barzanî ye, her sal di vê rojê de em daran diçînin, çandina daran wateya berdewamiya jiyanê û nemiriya wê ye. Herwiha Barzanî di jiyana her kurdekî de nemir û zindî bimîne, bi geşbûna her darê li ser axa Kurdistanê zindî bimîne.”

Dawid axaftina xwe berdewam kir û got:

“Em bi çandina daran berdewamiya rabirdûya xwe li ser rêbaz Barzanîyê nemir nifş bi nifş piştrast dikin, ev roj roja jidayikbûna hêviyên gelê Kurd, paşeroj, niha û paşerojê ye, rehmet û aramî ji bo giyanê pakê wî. wê bi demê re di dilê me de, di mejiyê me de, di nav hebûna gelê Kurd de nemir bimîne”.

Hêjay gotinê,ku di dîroka gelê kurd de gelek dastanên berxwedan û mêrxasî û qehremanî û şoreşgeriyê hatine tomar kirin,ku ne bi tenê di dîroka kurdî de, lê belê di dîroka cîhanê de cihê xwe girtine, bi rêberiya bavê netewya gelê kurd Mela Mistefa Barzanî.

Ragihandina ENKSê

Raport:Elî Fetah