Di roja Şemiyê 15.1.2022an de, encûmena xwecihî ya pakrewan Ciwan Elqutna ya bajarê Dirbêsiyê û gundewarê wê ya bi ser ENKSê ve, civîna xwe ya asayî ya şaxên bi ser wê ve lidarxist,û mijarên giring bi hev re gengeşekirin.
Herwiha rewşa rêxistinî hat gengeşekirin û tekezî li ser firebûna şaxê bajar û gundan hat kirin .
Û civat bi awayekî berfire li ser rewşa rêxistinî rawestiya, di derbarê pêşketina xwecihiyê de û bi pêkanîna wê di nava cemawer de, û tekez kir li ser Pabendîbûn û beşdarbûna civatan, bi taybet beşdarbûna hemû çalakiyan.
Herwiha, serokê xwecihiyê M.Idrîs Şêx Xelef,rawestiya li ser hemû bûyerên siyasî yên nû li ser qada Sûriya bi giştî û li ser qada Kurdistana Sûriyê bi taybet.
Herwiha civat bi awayekî berfireh rawestiya li ser çalakiyên ku xwecihî pê rabûbûn wek semînara di roja cîhanî ya mafên mirovan û roja Aleya Kurdî û bi awayekî zelalmendî hatin nirxandin ji aliyê hemû beşdaran re,û di derbarê wê de,civatê êrîşkirina Ciwanên Şoreşger yên bi ser PYDê ve li ser xwecihiyê di roja Aleya Kurdistanî de, û şewitandina ofîsa wê û lêdana endamên wê bi tundî şermezar kirin.
Herwiha Şêx Xelef, bi awayekî berfireh rawestiya li ser danûsitendinên Kurdî yên di navbera ENKSê û PYNKê de û di derbarê wê de, tekezî li ser giringiya berdewamiya van danûsitendinan û serkeftina wan hat daxwazkirin û li ser amadekariyên ENKSê jî ku dîsa danûsitandin dest pê bike bi dabînkirina Emrîkan û fermandarê HSDê hat xuyakirin.
Herwiha civat,rawestiya li ser hevdîtina destaya serokatiya ENKSê bi balyozê Emerîka li Bakur û Rojhilatê Sûriyê birêz Mat Birl re.
Herwiha, Civat rawestiya li ser rewşa herêmên Kurdî (Efrînê, Serê Kaniyê û Girê Spî) yên di bin kontirola Tirkiya û komên Çekdar de yên bi ser wê ve, û binpêkirinên di derheqê xelkên resen ve rûdide ji aliyê Tirkiya û komên Çekdar yên bi ser wê ve wekî (kuştin, revandin, talankirin, şewitandin û koçberkirin …hwd).Û gefên Tirkiya ji her demekê bi êrîşkirina li ser deverên kurdî.
Herwiha civat rawestiya li ser rewşa aborî û estengiyên jiyanê di vê qonaxa hestiyar de, ya ku gelê me têde derbas dibe, bihabûna nirxê dolar û bilindbûna nirxê hemû pêdiviyên jiyanê.
Her wiha, hemû mijarên giring ,ji aliyê hemû endamên beşdar hatin şirove û gengeşekirin bi awayekî zelalmendî.
Ragihandina ENKSê
Raport: Elî Fetah
