XWECIHIYÊN HESEKÊ 21EMÎN SALVEGERA SERHILDANA 12Ê AVDARÊ ROJA PAKREWANÊ KURDÎ VEJANDIN..

XWECIHIYÊN HESEKÊ 21EMÎN SALVEGERA SERHILDANA 12Ê AVDARÊ ROJA PAKREWANÊ KURDÎ VEJANDIN..

Di roja Çarşemê 12ê avdara 2025an de,herdu encûmenên xwecihî yên bajarê Hesekê yên bi ser ENKSê ve,salvegera 21emîn ya serhildana Qamişlo ya 12ê avdara 2004an (Roja Pakrewanêv Kurdî) vejandin.

Her wiha herdu xwecihiyên Hesekê serdana goristanên pakrewanên 12ê avdara 2004an yên serhildana Qamişlo û pakrewanên Pêşmergên leşgerên Roj yên herêma Hesekê kirin.

Herwiha serdana goristanên van gundan kirin : Pakrewanê pêşmerge Lêşgerê Roj Emgiyan Meho li gundê Şema,Pakrewan Xesan Qencar yê serhildana Qamişlo li gundê Çolmê Gabara û Pakrewan Îmad Welîka yê serhildana Qamişlo li gundê Xirbê Kurma.

Herwiha beşdarbûyan 5ê xulekên bêdeng li ser giyanên pakrewanan rawestiyan.

Û hin gotin jî li ser gora pakrewanan hatin pêşkêşkirin.

.Û tevgera kurdî ya siyasî li Kurdistana Sûriya, roja 12ê avdarê kirin roja pakrewanan.

Herwiha ji aliyekî dî jî,hemû malbatên pakrewanan yên beşdar spasiya ENKSê kirin di derbarê xwedî liderketina pakrewanan.

Wek tê zanîn piştî serhildana 12ê avdarê sala 2004,an ku tê naskirin bi (Serhildana Qamişlo) ev roj  li Kurdistana Sûriye bûye roja pakrewanê Kurdî li Kurdistana Sûrî.

Ragihandina ENKSê
Raport:Elî Fetah..