Xwecihiya Rojhilatî Qamişlo civîna xwe ya asayî li darxist.
Xwecihiya Rojhilatî Qamişlo civîna xwe ya asayî li darxist.
Îro roja înê 29ê Gulana 2025an, Encûmena Xwecihiya Rojhilatî Qamişlo ya bi ser ENK_Sê ve, civîna xwe ya asayî li darxist bi beşdarbûna piraniya endaman.
Di destpêkê de xuleke bêdeng li ser giyanê pakrewanên kurd û kurdistanê û serwerê wan Barzaniyê nemir rawestiyan.
Hejmarek babet û mijarên giring ser asta siyasî û rêxistinî di civînê de hate gotûbêjkirin.
civînê de her wiha nirxandina rewşa encûmenê û asta beşdariya wê di çalakiyên ku ji hêla Encûmena Niştîmanî ya Kurd ve têne li darxistin, hate kirin.
Beşdaran her wiha rewşa siyasî ya Sûriyê bi giştî bi taybetî ser qada Kurdî û bûyer û pêşketinên dawî hate goftûgokirin, .
Di civînê de bal hat kişandin ser avakirina şandeya Kurdî ku diçe Şamê da ku bi hikûmeta nû ya Sûriyeyê re li ser maf û daxwazên rewa yên gelê Kurd danûstandinan bike, Wan girîngiya helwesteke yekgirtî ya Kurdan û xurtkirina hebûna siyasî di forumên neteweyî de tekez kirin.
Civîn bi piştrastkirina piştgiriya berdewam a hewildanên Encûmena Xwecihî ya Rojhilatê Qamîşloyê û beşdariya wê ya çalak di xurtkirina têkiliya civakî û siyasî de ji bo xizmetkirina xwestekên gelê Kurd ji bo azadî, edalet û demokrasiyê bi dawî bû.
Ragihandina ENKSê
Qamişlo