XWECIHIYA DIRBÊSIYÊ CIVÎNA XWE YA ASAYÎ LI DAR XISTIN ….
XWECIHIYA DIRBÊSIYÊ CIVÎNA XWE YA ASAYÎ LI DAR XISTIN ….
Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Yekşemê, 26.1.2025an de, civîna xwe ya asayî lidarxistin
Di destpêkê de, kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir û li ser giyanê pakrewan Ismaîl Fetah endamê emîndariya giştî ya ENKSê rawestiyan.Û piştre lîsta kar gengeşe kirin.
Herwiha di civînê de xalên herî girîng ên rojevê hatin nîqaşkirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin,hate xwendin û hate nîqaşkirin.
Di rewşa siyasî de: pêşhatên dawî û pêşhatên siyasî li meydanên navdewletî, navçeyî û navxweyî hatin gotûbêjkirin.
Her wiha civat bi awayekî zelalmendî rawestiya li ser diyaloka Kurdî -Kurdî.
Her wiha serokê xwecihiyê birêz Idrîs Şêx Xelef rawestiya li ser serdana nûnerê serok Barzanî, Dr. Hemîd Derbendî bo Kurdistana Sûrî û hevdîtina wî bi fermandarê giştî yê HSDê û Encûmena Niştimanî ya Kurd re, her wiha behsa serdana encûmenê ji bo Herêma Kurdistanê li ser vexwendina serok Mesûd Barzanî kir .
Her wiha civat li ser êrîşên Tirkiyê yên li ser herêmên Kurdî û bandora wê li ser xelkê herêmê, di warê aborî û ewlehiyê de rawestiyan.
Ragihandina ENKSê
Raport:Elî Fetah.